Read Angami Naga Samuel Kerieu 14 Bible Online

Samuel Kerieu 14 - Angami Naga bible

Samuel Kerieu 14

¹Khunhie Saul nuou Jonathan-e sie puo rünyie kepie khriesau ki, “Khe, avu Filistinmia rüpfhünuo razhü lutsakhie keba nu pfütuo” isita. Derei puoe süu pie puo puo ki pu mo.

²Süki Saul-e Gibiatsa Migron nu keba Turaüko bo khro nu razhü chü ba, mu mia krie sorou mese puo ze tuo.

³Siro süko donu Ahija rei tuo, mu puoe efod pie tuo, tsiu puoe Finehas nuo Ikabod siezeu Ahitub nuo mu Eli Shilo nu Jihova zievo chü kevor Eli tsuu. Mu Jonathan tuoketa dze miapuorei si mo.

⁴Siro Jonathan-e Filistinko razhüchü nu praketuo chau khie lutsahatsa tsiekhie kezha kenie ba sünie puo za Bozez mu kekreiu Sene.

⁵Tsiekhie sünie puo pesotsa Mikmash petsou mu kekreiu pekhrotsa Geba petsou iba.

⁶Sitse Jonathan-e puo rünyie kepie khriesau ki, “Khe avu u zhürekemo themia hako ki votuo, Jihovae avu khruoshü reilie vi mu; mia kelaketuo la we themia tsa rei kra rei Jihova la mhapuorei kekrei mo” sita.

⁷Sitse puo rünyie kepieu sie, “N nou lekeba pete chülie, a a nou mu a ruopfü pete se n ze tuo zotuo”, sishü.

⁸Jonathan sie, “Tieca, vorlie avu themiako ki vo di uko bu avu ngushütuo.

⁹Mhanuü ukoe avu ki, ‘Hieko nnie ki kerkemo ki pfhethalie’ ita liro, avu kho mo di tha zotuo.

¹⁰Derei uko sie, ‘Hieko ki khorliecie’ ita liro, avu kho zotuo, süu Jihovae uko pie avu dzie nu shüwaketa zasiu zotuokecü la” ishü.

¹¹Süsie unie kho di unie thuo unie pie Filistin rüpfhünuoko pengushü; sitse Filistinko sie, “Legei! Ibriko kecieki nu rüshü ba di, parzhie ho” sita.

¹²Sidi themiakoe sie Jonathan mu puo rünyie kepieu kie di, “Hieko ki khorlie, sitse hieko mha puo pie nnie pekieshütuo mu” sita. Süla Jonathan-e puo rünyie kepieu ki, “A siemedzi khorlie, Jihovae uko khapie Israelmia dzie nu shü bate ho” sishü.

¹³Sidi Jonathan-e puo phi puo dzie se sügei meli zokho, tsiu puo rünyie kepieu bu puo sietsa idi khor. Sitse Filistinkoe Jonathan mhodzü thalie lhota mu puoe uko bievü. siro khriesau rei puo siemedzi uko dukhri zo vota.

¹⁴Sidi uko re kerieu nu Jonathan mu puo rünyie kepieu unie mia mepfü dukhriwa, süu kijü acre puotie puo mese nunu zo.

¹⁵Sitse razhüchüko nu mu lie nu rei, mia whuo keprako mu razhüchü kepfhe rüpfhünuoko donu rei michie kemerie chüta, sizomonyü kijü shükenie seta.

¹⁶Süki Benjamin Gibia nu Saul rükhoumiakoe tosie mha mehoshü ru harie Filistin rüpfhünuoko kebvükebie keba ngulieta.

¹⁷Sitse Saul-e sie puo zeketuoko ki, “Rüpfhünuoko phrüshücie, sidi suomia u donu ba mote shiü siliecie” sishü. Sidi ukoe phrü sie ru, harie Jonathan mu puo rünyie kepieu unie uko donu ba moketa ngulieta.

¹⁸Sitse Saul-e Ahija ki, “Ukepenuopfü dietseidiekhobouu[20] se haki vorcie” sita. (hateiki dietseidiekhobouu[21] Israelko dzie nu ba).

¹⁹Sidi Saul-e zievo-u ze kerüchü ketha nu Filistin razhüchü nu keboukecü pfhe si kechü miemieta. Süla Saul zievo-u ki “N dzie kela lalietacie” sita.

²⁰Süsie Saul mu puo zeketuoko dojülie di terhü nu vo ru, Filistinko u thuo u donu kebie di bouübi keba ngulie.

²¹Sizomonyü tsie mhodzü Ibrimia kro puo Filistinmia zetuoketako rei ta la Saul mu Jonathan unie kitsa keba Israelko ki vorta.

²²Siro Israelko Efraim chazoukhru rünatsa rüshükebako rei Filistinko tatakezhü silie tse par di uko whuo gei vota.

²³Hanhie Jihova kuokelie pie Israel tsüshü. Sidi terhü chü zo Beth-aven cie vota, mu Saul ze ketuo rüpfhünuo mia nyie ker mese. Siro Efraim kijü pete nu terhü chü vota.

²⁴Sünhie Saul-e kemeyhu mhatho puo chüwa.[22] Puo rüpfhünuoko se rüse di sie, “A ngumvüko gei a khepulie kemochie, thevatie ketso kehoupuorei mhakecüu bu rüsepfücie” sishüwa. Süla miapuorei mha metha mota.

²⁵Süki rüpfhünuo peteu ketsa puo nu vorlie ru, mepfhidzü kijü zhü di ngulie.

²⁶Sidi uko ketsa nu vorlie tse, harie mepfhidzü lukihaki zutsurkezha ngulie; sirei miapuorei puo dzie se süko kethupie metha mo, uko rüseu preikecü la.

²⁷Derei Jonathan we puo puo rüse di themiako ki pukewa si mo, süla puo dzie nu ketuo ketheu pie mepfhidzü nu kethulie di methashü. Sitse va puo nu puo mhi mecie parta.

²⁸Sitse uko donu rüpfhünuoko mia puo sie, “Hie pete rei merü di phisia tuote, derei n puoe rüse kere pie hie pha di, ‘Themia kehoupuorei mhacükecüu bu rüse pfücie’ itelie” sishü.

²⁹Sitse Jonathan sie, “A puoe u kijüu bie kebouwate, harie a mepfhidzü huoyo methakeshü ki kedichienu amhi mecie parte shi?

³⁰Thie themiako bu u ngumvümia vie pekakelie nu ngukelieko u bu cüükrielie ücüwe hakirei Filistinmia gei sa philie motuoü me?” sita.

³¹Sünhiesü Israelkoe Mikmash nunu Aijalon ketso Filistinko dukhri zo vo tso, sidi uko nyiethorta.

³²Siro uko pekakelieko nu vo di tekuo, thudo mu mithu whuolie di süko dukhrilie, tsiu themiakoe thezie sa di süko cüta.

³³Süki mia huo vor Saul ki, “Harie themiako thezie sakecü muo cü di Jihova mhodzü phouma tuote,” sishü. Sitse puoe sie, “Nieko jowate, tsie ketsie kezha puo se a ki vorcie” sishü.

³⁴Sidi puo ahza puo khashü di sie, “Nieko vo themia lukihaki ketuoko ki, mithu mu tekuo whuo vor di dukhrilie di cüliecie, derei thezie we sa cü di Jihova gei jota hiecie” sishü. Sitse süzhü themiako u thu pedoko se vor di sükinu dukhri phrelie.

³⁵Siro Saul-e süki nu ruosuoba puo chüpie Jihova tsüshü, süusü puoe ruosuoba chüpie Jihova ketsü kerietho-u zo.

³⁶Sidi Saul-e puo themiako ki, “Úko theva nu Filistinko ki tsu di teizeizha pete uko bie khe, sidi miapuorei peshashü hie khe” sita, sitse uko sie, “N mhodzü ki viükecüu chüliecie” sishü. Derei zievo-ue sie, “Vor di Ukepenuopfü medo rüsa khe” silie.

³⁷Süla Saul-e Ukepenuopfü medo rüsa di, “A Filistinko ki tsu ro, no uko khapie Israel dzie nu shütuo mo lho ga?” ishü. Derei sünhie Ukepenuopfüe puo die kelashü mota.

³⁸Süla Saul-e sie, “Nie rüpfhünuo nu pehüko pete haki vorliecie, sidi thie kephouma kicüpuo u donu bate shi silie khe.

³⁹Israelko kelakeshü Ukepenuopfü rheiketuo tuoi, a nuou Jonathan zorei phoumataü liro puo zorei sia zotuo,” sishü. Derei miapuorei puo die kelashü mota.

⁴⁰Sitse Saul-e sie themiako ki, “Nieko lutsakhie thalie mu a nuou Jonathan hienie hatsakhie thatuo” sishü. Themiakoe puo ki, “N mhodzüki viükecüu chüliecie,” sishü

⁴¹Sidi Saul-e Jihova ki cha di sie, “He-i Israel Kepenuopfü Jihova, no thie kiüdi n kituou die kelashü mota ga? Kephouma hau a gei morei Jonathan gei ro Urim bu parliecie; he-i Israel Kepenuopfü Jihova, derei n themia Israel gei ro Thumim bu parliecie”, ishü. Siru Jonathan mu Saul unie tha parta. Derei themiako we mesa parta.

⁴²Sitse Saul-e sie, “A mu a nuo Jonathan hienie kiu shi thashücie” ishü. Siru Jonathan thalie.

⁴³Süsie Saul-e Jonathan ketso di, “No kedipuo chüwate shi a ki pushücie” ilie. Süla Jonathan-e puo ki. “A dzie nu ketuo theu pie mepfhidzü kethulie di huoyo methashülie, mu tsie a sia morosuote,” ita.

⁴⁴Sitse Saul-e sie, “Jonathan no sia tou zotuo, moüliro Ukepenuopfü bu sükemhie mu sükezie rei a gei chüshüliecie” sita.

⁴⁵Süki themiakoe sie Saul ki, “Jonathan! Israel nu kelakelie kezha se kevor-u bu siatuo le? Lie lho zo! Ukepenuopfü rheiketuo mhiei puo tsü geinu puo thaprü yopuo bu zorei te kijü tsulie lho, puo thie Ukepenuopfü ze di mha hako chüshü zo” sita. Sidi themiako Jonathan kelalie, di puo bu sia mota.

⁴⁶Süsie Saul-e Filistinko whuo sa mota, sidi Filistinko bu u thuo u kijü nu la vota.

⁴⁷Sidi Saul-e Israel mho kedi chükelie sie, lutsahatsa puo ngumvüko perhie, puoe Moabko, Amorko, Edomko, siro Zoba kediko mu Filistin kediko pete perhie vo, tsiu kehourapuo phi zorei puoe kuolie mu puo ngumvüko pekawawa vota.

⁴⁸Sizomonyü puoe thepfu se di Amalekko ze kebie di süko penyüwa, tsiu Israel kepeseko pete dzie nu uko kelashü.

⁴⁹Siro Saul nuo thepfuko liro Jonathan, Ishvi mu Malkishua. Siro thenunie liro: phichüpfü Merab mu nhicupfü Mikal.

⁵⁰Mu puo kimia za Ahinoiam, puoe Ahimaz nuopfü. Siro Saul rüpfhünuo mho kezhau za Abner, puo Ner nuou mu Ner-e Saulnuo nieu;

⁵¹Saulnuo puo Kish mu Abnernuo puo, Ner liro Abiel nuo.

⁵²Siro Saul kerheichie Filistinmia ze terhü kere se chü sei tuo tso, mu Saul-e themia kekuomia mu kethepfu terhümiavimia kehoupuorei ngulie ro puoe se puo lietho chülielieya.