Read Angguruk Yali KEJADIAN 10 Bible Online

KEJADIAN 10 - Angguruk Yali bible

KEJADIAN 10

¹Hun Nuh umalikisi Sem men Ham men Yafet menen endetfahonen ondohowon ununuk tuma haharoho imbibag. Ik humon yenggeltil laharuk lit kinang obog toho hondo ribagma welatfareg Nuh umalikisiyen ap umalik indag enepfag.

²Hun Yafet inowen umalikisi ununuk Gomer, Magog, Madai, Yawan, Tubal, Mesekh, Tiras men indag enepfag.

³Hun Gomer inowen umalikisi ununuk Askenas men Rifat men Togarma men indag enepfag.

⁴Yawan inowen endetfahonen ondohowon o Elisa inap, Tarsis inap, Kitim inap, Dodanim inap men wereg.

⁵It arimano fibit-fabar atlug libareg ik saho ahik ayegma wereg. Ari roho tibahon ari fahet ununggul unuk amu-amu, enele enemu-enemu, kinang amu-amu, o pumbuk oho amu-amu atfareg ketiya oho wereg.

⁶Ham inowen umalikisi ununuk Kus, Misraim, Put, Kanaan men indag enepfag.

⁷Hun Kus inowen umalikisi ununuk Seba, Hawila, Sabta, Raema, Sabtekha men indag enepfag. Hun Raema inowen umalikisi Syeba men Dedan men indag enepfag.

⁸Hun Kus inowen amloho Nimrod indag tibag. Ap winon kinang atogman atogma ap suwon lahuk fugmu Nimrod ino tam ap suwon lahibag.

⁹At ino NINIKNI Allah olohotma ine roho wereg lit suwe pak watuk ane fahet oho ine roho turuk latfag. Ari turuk latfag hag toho ap ekeyen oho turukon fahet aben enele uruk lit, ”Hun Nimrod NINIKNI Allah olohotman suwe pak watuk ane fahet ine roho turuk latfag hag toho aren oho turuk,” uruk.

¹⁰Atamtam Sinear kinang fam o pumbuk Babel men Erekh men Akad men hun Nimrod inggikmu atfagma

¹¹o inowen wilip atug Asyur kinangma libareg o Niniwe men Rehobot-Ir men Kalah men witfag.

¹²Witfareg o Niniwe men Kalah men honggolegma o pumbuk suwon Resen witfag.

¹³Hun Misraim inowen ondohowonen ondohowon Ludim inap, Anamim inap, Lehabim inap, Naftuhim inap,

¹⁴Patrusim inap, Kasluhim inap, Kaftorim inap men wereg. Kaftorim inap arimano famon Filistin inap wereg.

¹⁵Hun Kanaan inowen amloho wandabon Sidon men Het men indag enepfag.

¹⁶Kanaan inowen ondohowonen endetfahon winon Yebusi inap, Amori inap, Girgasi inap,

¹⁷Hewi inap, Arki inap, Sini inap,

¹⁸Arwadi inap, Semari inap, Hamati inap men wereg. Hun Kanaanen ondohowonen ondohowon ununggul unuk man-man werehon arimano kinang hili yat toho imbil laruk lit

¹⁹o pumbuk Sidon keyen o Gerar fil pumbuk Gaza horogma wirig atlug o Sodom, Gomora, Adma, Zeboim keyen o Lasa horogma libareg kinang ari obog toho it ngi atfag.

²⁰Ari roho turuk lit hun Ham inowen ondohowonen endetfahon arimano ununggul unuk amu-amu, enele enemu-enemu, kinang amu-amu, o pumbuk oho amu-amu atfareg ketiya oho wereg.

²¹Yafet owe hun Sem Eber umalikisi obog tohowen nunumba urukon inowen oho umalikisi Elam, Asyur, Arpakhsad, Lud, Aram men indag enepfag.

²³Hun Aram inowen Us, Hul, Geter, Mas men indag enepfag.

²⁴Hun Arpakhsad inowen amloho Selah indag tibag. Selah inowen amloho Eber indag tibag.

²⁵Eber inowen ap umalik piren indag tibag. Indag tibag liyen tulug ap kinang atogman atogma fibit-fabar atil laruk latfag ane fahet malik misig unuk salikap toho Peleg[12] suwalfag. Peleg ot ino unuk Yoktan suwalfag.

²⁶Yoktan inowen Almodad, Selef, Hazar-Mawet, Yerah,

²⁷Hadoram, Uzal, Dikla,

²⁸Obal, Abimael, Syeba,

²⁹Ofir, Hawila, Yobab men indag enepfag. Indag enepfahon arimano obog toho Yoktan umalikisi wereg lit

³⁰inibam tom yali fil werehon fam o pumbuk Mesa famen tulug Sefar kinangma wereg.

³¹Ari roho wereg lit hun Sem inowen ondohowonen endetfahon arimano ununggul unuk amu-amu, enele enemu-enemu, kinang amu-amu, o pumbuk oho amu-amu atfareg ketiya oho wereg.

³²Ari roho tibahon ari ik humonen kinang obog toho hondo ribagma Nuh umalikisiyen ondohowonen ondohowon arimanowen nunumba man-man wereg ulug kinang atogman atogma fibit-fabar atfareg o pumbuk amu-amu wiroho libahon ketiya oho wereg.