Read Angguruk Yali KEJADIAN 36 Bible Online

KEJADIAN 36 - Angguruk Yali bible

KEJADIAN 36

¹Hun Esau unuk winon Edom inowen ondohowonen ondohowon ununuk tuma haharoho imbibag.

²Esau inowen o Kanaan hiyap og enesug lit Het ahun Elon ahaloho Ada ino men, Hewi ahun Zibeonen endetfahon Ana ahaloho Oholibama men,

³Ismael ahaloho Basmat hun Nebayot ot ino men hilibag.

⁴Ada inowen amloho Elifas Esau indag itfagma Basmat inowen Rehuel indag itfag.

⁵Oholibama inowen Yeus, Yaelam, Korah men indag enepfag. It obog toho o Kanaan kinangma indag atfag.

⁶Welatfagma Esau ino ot Yakub embeselug o winama lahuk ulug uhesi men unumalikisi ap angge hiyap angge men ap obog toho at ibam welatfahon men ambohom men anggengge obog toho o Kanaan kinangma inggikmu atfahon men hondog eneplug libag.

⁷Esau men Yakub men ininggikmu enenggengge anggolo rehen it piren ambiyeg misigmu welam fug teg latfag. It enembohom oho anggolo rehen Kanaan kinangma foroho ambeg we tor angge welatfag.

⁸Welatfagma Esau unuk winon Edom ino libareg tom Seir fam yug toho welatfag.

⁹Edom inap tom Seir fam werehon unumba Esau inowen ondohowonen ondohowon ununuk tuma haharoho imbibag.

¹⁰Esau uhe Ada inowen amloho Elifas indag tibag. Elifas umalikisi Téman, Omar, Zefo, Gaetam, Kenas men welatfag. Elifas inowen hiyap eke hilibahon unuk Timna inowen amloho Amalek indag tibag. Esau uhe Basmat inowen Rehuel indag tibag. Rehuel inowen Nahat, Zerah, Syama, Miza men indag enepfag.

¹⁴Zibeonen endetfahon Ana ahaloho Oholibama Esau inowen hilibahonen umalikisi Yeus, Yaelam, Korah men indag enepfag.

¹⁵Esau inowen ondohowonen ondohowon ununggul unuk tuma emberuk lahe: Esau amloho monggiyon Elifas inowen ondohowonen ondohowon Téman inap, Omar inap, Zefo inap, Kenas inap,

¹⁶Korah inap, Gaetam inap, Amalek inap men wereg. It obog toho Esau uhe Ada inowen ondohowonen ondohowon wereg lit Edom kinangma wereg.

¹⁷Esau amloho Rehuel inowen ondohowonen ondohowon Nahat inap, Zerah inap, Syama inap, Miza inap men wereg. It obog toho Esau uhe Basmat inowen ondohowonen ondohowon wereg lit Edom kinangma wereg.

¹⁸Esau uhe Oholibama hun Ana ahaloho inowen ondohowonen ondohowon Yeus inap, Yaelam inap, Korah inap men wereg.

¹⁹Ununggul unuk arimano obog toho Esau unuk winon Edom inowen ondohowonen ondohowon wereg.

²⁰Edom kinang fam yug toho welatfag inap arimano Hori ahun Seir inowen ondohowonen ondohowon wereg lit ununggul unuk amu-amu werehon onowesi ununuk Lotan, Syobal, Zibeon, Ana

²¹Disyon, Ezer, Disyan men welatfag.

²²Hun Lotan inowen umalikisi Hori men Heman men indag enepfag. Lotan ot hilani angge ino Timna welatfag.

²³Hun Syobal inowen Alwan, Manahat, Ebal, Syefo, Onam men indag enepfag.

²⁴Hun Zibeon inowen Aya men Ada men indag enepfag. Ana inowen ikni Zibeon ambohom keledai anggenma walug libareg forohoman ik eleruk il inahanon hiyahibag.

²⁵Hun Ana inowen Disyon men ahaloho Oholibama men indag enepfag.

²⁶Hun Disyon inowen Hemdan, Esban, Yitran, Keran men indag enepfag.

²⁷Hun Ezer inowen Bilhan, Zaawan, Akan men indag enepfag.

²⁸Hun Disyan inowen Us men Aran men indag enepfag.

²⁹It arimano obog toho Hori inap ununggul unuk amu-amu atuk lit onowesi ununuk Lotan, Syobal, Zibeon, Ana,

³⁰Disyon, Ezer, Disyan men welatfahon arimano unumalikisi obog toho ketiya oho Seir kinang fam wereg.

³¹Israel inap onowe suwon eke lahuk fugmu Edom kinang fam ap suwon lahibahon ununuk tuma haharoho imbibag.

³²O Dinhaba ahun Beor amloho Bela ino Edom inap onowe suwon lahibag.

³³Welatfareg Bela ino war atfagma ubalmangge o Bozra ahun Zerah amloho Yobab ino ap suwon lahibag.

³⁴Welatfareg Yobab ino war atfagma ubalmangge hun Husyam o Téman kinang fam welatfahon ino ap suwon lahibag.

³⁵Welatfareg Husyam ino war atfagma ubalmangge o Awit ahun Bedad amloho Hadad ino ap suwon lahibareg Midian inap Moab kinang fam kibahon arimano apmayap enepfag.

³⁶Welatfareg Hadad ino war atfagma ubalmangge o Masreka ahun Samla ino ap suwon lahibag.

³⁷Welatfareg Samla ino war atfagma ubalmangge hun Saul o Rehobot ik ayegma wereg latfag ahun ino ap suwon lahibag.

³⁸Welatfareg Saul ino war atfagma ubalmangge Akhbor amloho Baal-Hanan ino ap suwon lahibag.

³⁹Welatfareg Baal-Hanan ino war atfagma ubalmangge o Pahu ahun Hadar ino ap suwon lahibag. Hadar uhe hun Mezahab inowen endetfahon he Matred ahaloho Mehetabeel welatfag.

⁴⁰Esau inowen ondohowonen ondohowon ununggul unuk amu-amu atuk lit o pumbuk amu-amu welatfahon onowesi ununuk Timna, Alwa, Yetet,

⁴¹Oholibama, Ela, Pinon,

⁴²Kenas, Téman, Mibzar,

⁴³Magdiel, Iram men welatfag. It unumalikisi obog toho Edom unuk eke Esau inowen endetfahonen ondohowon ununggul unuk amu-amu o pumbuk amu-amu enengginang yugmu wereg.