Read Angguruk Yali KEJADIAN 5 Bible Online

KEJADIAN 5 - Angguruk Yali bible

KEJADIAN 5

¹Adamen ondohowonen ondohowon ununuk suwesingga tu fam haharoho imbibag. Allahn ap wal eneptuk lit inggareg ahuhe wirim toho wal enepfag.

²Aren ap eke, hiyap eke wal enepfag. Wal enepfareg inineyap eneptuk lit hununuk Ap[8] ulug suwal enepfag.

³Hun Adam wal tibag sali mo ilig am wirig am turukmen teng uhan 130 atfagma amloho eke inggareg ubabut men ahuhe men wirim toho indag tibag. Indag tibareg unuk Set[9] suwalfag.

⁴Welatfareg ap umaliket hilani umaliket indag enepfag.

⁵Indag enepfareg mo ilig am wirig am turukmen Adam ino mondabi sabal 930 atfareg war atfag.

⁶Hun Set indag tibag sali mo ilig am wirig am turukmen teng uhan 105 atfagma amloho Enos indag tibag.

⁷Welatfareg ap umaliket hilani umaliket indag enepfag.

⁸Indag enepfareg mo ilig am wirig am turukmen Set ino mondabi sabal 912 atfareg war atfag.

⁹Hun Enos indag tibag sali mo ilig am wirig am turukmen teng hinahanen nubam hilag 90 atfagma amloho Kenan indag tibag.

¹⁰Welatfareg ap umaliket hilani umaliket indag enepfag.

¹¹Indag enepfareg mo ilig am wirig am turukmen Enos ino mondabi sabal 905 atfareg war atfag.

¹²Hun Kenan indag tibag sali mo ilig am wirig am turukmen teng pirenman nubam hilag nisanggo fumahen 70 atfagma amloho Mahalaleel indag tibag.

¹³Welatfareg ap umaliket hilani umaliket indag enepfag.

¹⁴Indag enepfareg mo ilig am wirig am turukmen Kenan ino mondabi sabal 910 atfareg war atfag.

¹⁵Hun Mahalaleel indag tibag sali mo ilig am wirig am turukmen teng pirenman nubam hilag nanggoloben 65 atfagma amloho Yared indag tibag.

¹⁶Welatfareg ap umaliket hilani umaliket indag enepfag.

¹⁷Indag enepfareg mo ilig am wirig am turukmen Mahalaleel ino mondabi sabal 895 atfareg war atfag.

¹⁸Hun Yared indag tibag sali mo ilig am wirig am turukmen teng falfaliken 162 atfagma amloho Henokh indag tibag.

¹⁹Welatfareg ap umaliket hilani umaliket indag enepfag.

²⁰Indag enepfareg mo ilig am wirig am turukmen Yared ino mondabi sabal 962 atfareg war atfag.

²¹Hun Henokh indag tibag li mo ilig am wirig am turukmen teng pirenman nubam hilag nanggoloben 65 atfagma amloho Metusalah indag tibag.

²²Welatfareg hun Henokh ino Allah men ininggik ahandip toho weregman eneg mo ilig am wirig am turukmen teng nanggoloben 300 atfag. Ap umaliket hilani umaliket indag enepfareg

²³Henokh indag tibag sali mo ilig am wirig am turukmen teng nunggul hiriken 365 atfag.

²⁴Atfagma Allah men ininggik ahandip toho welatfag ane ariyen Allahn lisoho wibagma aben oho hibag fug.

²⁵Hun Metusalah indag tibag sali mo ilig am wirig am turukmen teng sabiren 187 atfagma amloho Lamekh indag tibag.

²⁶Welatfareg ap umaliket hilani umaliket indag enepfag.

²⁷Indag enepfareg mo ilig am wirig am turukmen Metusalah ino mondabi sabal 969 atfareg war atfag.

²⁸Hun Lamekh indag tibag sali mo ilig am wirig am turukmen teng falfaliken 182 atfagma amloho eke indag tibareg

²⁹ele uruk lit, ”NINIKNI Allahn kinang huluwap tibagma niren yabuk asengseng toho witukmu malik tuwen ninindi seyap neneptuk laruhu,” ulug unuk Nuh[10] suwalfag.

³⁰Welatfareg ap umaliket hilani umaliket indag enepfag.

³¹Indag enepfareg mo ilig am wirig am turukmen Lamekh ino mondabi sabal 777 atfareg war atfag.

³²Hun Nuh indag tibag sali mo ilig am wirig am turukmen teng num fuman 500 atfagma umalikisi Sem men Ham men Yafet men indag enepfag.