Read Angguruk Yali 1 TAWARIKH 25 Bible Online

1 TAWARIKH 25 - Angguruk Yali bible

1 TAWARIKH 25

¹Ari tibagma Daud men ap suwon-suwon menen Asaf umalikisi, Heman umalikisi, Yedutun umalikisi men Allah iyabuk turuk lamuhup ulug in enepfag. In enepfahon arimano Allahn milal eneptukmu pinggong men puhuli men waruk men watuk lit Allah asini yunggultuk latfag. Allah asini yunggultuk inap ununuk tuma haharoho imbibag:

²Asaf ino Allahn milaltukmu ap suwon raja inowen hiyag itfag ane hikit toho sini yunggultuk latfag. Asaf inowen umalikisi Zakur, Yusuf, Netanya, Asarela men milal eneptuk latfag.

³Yedutun ino Allahn milaltukmu pinggong watuk lit NINIKNI Allah wel turuk asini yunggultuk latfag. Yedutun inowen umalikisi falfaliken ununuk Gedalya, Zeri, Yesaya, Simei, Hasabya, Matica men milal eneptuk latfag.

⁴Heman umalikisi ununuk Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir, Mahaziot men welatfag.

⁵Heman ino ap suwon raja amingmingangge wereg lit fulu roho hiyag utuk ahun weregma Allahn at ubam ele uruk lit, ”Anden hat hineyap habuhuk,” ulug sali imbibag. Sali imbibag ane ari hikit toho Allahn Heman ino ap umalik nunggul huriken, hilani malik hinahan og itfag.

⁶It arimano obog toho iniknisi Asaf men Yedutun men Heman menen milal eneptukmu NINIKNI Allah ibam wereg lit ap suwon raja inowen atamtam hiyag isibag ane hikit toho pinggong, puhuli, waruk men teltuk lit sini yunggultuk latfag.

⁷It men onori NINIKNI Allah fahet sini yunggultuk ane milal enepfahon menen sini fano roho yunggultuk latfag. It enebe mangno roho teng nanggoloben 288 welatfag.

⁸Iren tu sabalon, tu kabiniyon, tu nonowesi milal neneptukon, tu nunumalikisi inindi anggarap eneptuk laheyon puk fug angge obog toho fahet ambi roho enehangge hik tibag.

⁹Hik turukmu enehangge tamon Asaf amloho Yusuf fam atfag, pirenehon Gedalya fam atfag,

¹⁰hinahanehon Zakur fam atfag,

¹¹uhanehon Yizri fam atfag,

¹²fuwabon Netanya fam atfag,

¹³falfalikon Bukia fam atfag,

¹⁴sabiron Yesarela fam atfag,

¹⁵likinon Yesaya fam atfag,

¹⁶sohowon Matanya fam atfag,

¹⁷numon Simei fam atfag,

¹⁸nanggolobon Azareel fam atfag,

¹⁹nisanggowon Hasabya fam atfag,

²⁰nuwalon Subael fam atfag,

²¹nunggul hurikon Matica fam atfag,

²²nuwal fumahon Yeremot fam atfag,

²³nisanggo fumahon Hananya fam atfag,

²⁴nanggolop fumahon Yosbekasa fam atfag,

²⁵num fumahon Hanani fam atfag,

²⁶soho fumahon Maloti fam atfag,

²⁷likin fumahon Eliata fam atfag,

²⁸sabit fumahon Hotir fam atfag,

²⁹falfalik fumahon Gidalti fam atfag,

³⁰fuwap fumahon Mahaziot fam atfag,

³¹uhaneg fumahon Romamti-Ezer fam atfag. Enehangge unubam atfahon arimano wal taneg unumalikisi men onori winon men enebe nisanggowen heheg wereg lit iniyabuk turuk latfag.