Read Angguruk Yali 1 TAWARIKH 4 Bible Online

1 TAWARIKH 4 - Angguruk Yali bible

1 TAWARIKH 4

¹Yehuda amloho Peres inowen ondohowonen endetfahon Hezron, Karmi, Hur, Syobal men welatfag.

²Syobal amloho Reaya inowen Yahat indag tibag. Yahat inowen Ahumai men Lahad men indag enepfag. It arimano famen Zora inap ondoko libag.

³Hun Etam umalikisi Yizreel, Isma, Idbas, enerek Hazelelponi,

⁴o Gedor inap unumba Pnuel, o Husa inap unumba Ezer men welatfag. It arimano he Efrata amloho wandabon o Betlehem inap unumba Hur inowen endetfahonen ondohowon welatfag.

⁵O Tekoa inap unumba Askur inowen uhesi piren ununuk Hela men Naara men og enesug latfag.

⁶He Naara inowen Ahuzam, Hefer, Temeni, Ahastari men indag itfag.

⁷He Hela umalikisi Zeret, Yezohar, Etnan men welatfag.

⁸Kos inowen endetfahonen ondohowon hun Anub men Hazobeba men Harum amloho Aharhel umalikisi men welatfag.

⁹Hun Yabes ori ununuk we tot apma regma we Yabes unuk eneg mondabi palimu welatfag. Yabes isingan, ”Anden malik aru indag taruk lit ouk wihi,” ulug unuk Yabes[2] suwalfag.

¹⁰Yabes inowen Israel inap Inikni Allah fam ele uruk lit, ”Haren an nineyap naptuk laruhunmu kinang anden seneg lahiyon ino su aruhuwen heng haptuk lahi. Ouk nubam aruhu rohon Haren fet nasugmu alem angginon nubam aruhu fug,” ulug sembahyang ibagma Allahn ele holfag.

¹¹Suha are Kelub inowen Mehir indag tibag. Mehir amloho Eston welatfag.

¹²Eston inowen Bet-Rafa men Paseah men Ir-Nahas ikni Tehina ino men indag enepfag. It arimano o Rekha welatfag.

¹³Kenas umalikisi Otniel men Seraya men welatfag. Otniel umalikisi Hatat men Meonotai men welatfag.

¹⁴Meonotai inowen Ofra indag tibag. Seraya inowen Yoab indag tibag. Tamtam Yoab inowen tonggo O Wituk Inaben Tohon fam uyug sopfag. Tonggo ino fam o wituk inap eneg welatfag.

¹⁵Hun Yefune amloho Kaleb umalikisi Ela men Naam men welatfag. Ela amloho Kenas welatfag.

¹⁶Yehaleleel umalikisi Zif, Zifa, Tireya, Asareel men welatfag.

¹⁷Ezra umalikisi Yeter, Mered, Efer, Yalon men welatfag. Mered inowen o Mesir inap onowe suwon ahaloho Bitia hilibareg hiyap inowen Miryam men Samai men Estemoa ikni Yisbah men indag enepfag. Mered inowen o Yehuda hiyap eke hilibahon inowen Gedor ikni Yered men Sokho ikni Heber men Zanoah ikni Yekutiel men indag enepfag.

¹⁹Hodia inowen hun Naham erek hilibahon inowen Garmi ahun Abu Kehila men Maakha ahun Estemoa men indag enepfag.

²⁰Simon umalikisi Amnon, Rina, Benhanan, Tilon men welatfag. Yisei umalikisi Zohet men Ben-Zohet men welatfag.

²¹Yehuda amloho Syela inowen ondohowonen ondohowon o pumbuk Lekha witfag ahun Er men o Maresa witfag ahun Lada men o Bet-Asbea inap men welatfag. O Bet-Asbea inap arimano ununggul unuk wal-wal wereg lit sum fanowon uruk ane inindi anggat teg latfag.

²²Syelan endetfahonen ondohowon winon hun Yokim men Kozeba inap men Yoas men Saraf men welatfag. Nunumbasiyen enele uruk lit Yoas men Saraf menen o Moab kinang seneg latfareg nin o Betlehem suhuloho watfag uruk latfag.

²³Yoas inap men Saraf inap men o Netaim men Gedera men yug toho wereg lit it onowe suwon fahet kinang fam laltuk angge kubag tag toho wituk latfag.

²⁴Simeon umalikisi Nemuel, Yamin, Yarib, Zerah, Saul men welatfag.

²⁵Saulen endetfahonen ondohowon ununuk tuma haharoho emberuk lahe: Salum Mibsam Misma Hamuel Zakur Simei

²⁷Simei inowen ap umalik nisanggo fumahen 16 men hilani malik falfaliken men indag enepfag angge famen owesi men otsi menen unumalikisi we tor angge indag eneptuk latfag ane ariyen Simeonen ondohowonen ondohowon we tor angge weregma Yehuda inowen endetfahonen ondohowon anggolo welatfag.

²⁸Simeonen ondohowonen ondohowon arimano o Bersyeba, Molada, Hazar-Sual,

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri, Saaraim men yug toho weregman eneg hun Daud ino indag atfareg ap suwon lahibag.

³²O pumbuk fuwaben ununuk Etam, Ain, Rimon, Tokhen, Asan men

³³o toron walinggoho welatfahon men it ngi reg lit o pumbuk Baal horogma hili yat toho warik libareg seneg latfag. It iniknisi unumbasi ununuk suwesingga fam haharoho imbibag.

³⁴It ununggul unuk onowesi Mesobab men Yamlekh men Amazia amloho Yosa men

³⁵Yoel men Yehu ino men Elyoenai, Yaakoba, Yesohaya, Asaya, Adiel, Yesimiel, Benaya, Ziza men welatfag. Hun Yehu ikni Yosibya, Yosibya ikni Seraya, Seraya ikni Asiel welatfag. Hun Ziza ikni Sifei, Sifei ikni Alon, Alon ikni Yedaya, Yedaya ikni Simri, Simri ikni Semaya welatfag.

³⁸It arimano ununggul unuk wal-wal wereg lit iren ondohowonen ondohowon anggolo atuk latfag.

³⁹Anggolo atuken it welatfag ambeg embeselug nenembohom kinang fanoma hondoko lahuk ulug hubula fil yami ril laruk lit o Gedor horogma tonggo fanowon hiyahik libag.

⁴⁰Tonggo ino yali fil hoholangge anggolo weregma hiyahibareg kinang ino hili yat tehen inindi yuwag toho wereg latfag. Welatfag ambeg ino tam hun Ham inowen endetfahonen ondohowon wereg latfag.

⁴¹Hun Hizkia inowen Yehuda inap fet enesug latfag li ap ununuk haharoho embeheyon aruma kik waharuk lit o sabo Ham inaben tohon pin halog toho unusibareg Meunim inap it men welatfahon oho pinggi unusibagma ketiya ap misig oho wereg eleg. Kinang ap unusibag ambeg ino nenembohom welamuhup ulug iren ilmig tibareg yug toho welatfag.

⁴²Ununggul unuk Simeon inap minggiroho winon ap teng num fimahen 500 tom Seir fam libareg welatfag. It onowesi Yisei umalikisi ununuk Pelatia, Nearya, Refaya, Uziel men welatfag.

⁴³Simeon inap arimano fobik kik waharuk lit Amalek inap tam ap seliyonen unusibagma tor angge tom Seir fam linggik-longgo ibahon arimano obog toho unusibag. Unusibareg Simeon inap arimanowen tom Seir kinang ino ilmig tibareg ketiya oho yug toho wereg.