Read Angguruk Yali 1 TAWARIKH 6 Bible Online

1 TAWARIKH 6 - Angguruk Yali bible

1 TAWARIKH 6

¹Lewi umalikisi Gerson, Kehat, Merari men welatfag.

²Kehat umalikisi Amram, Yizhar, Hebron, Uziel men welatfag.

³Amram umalikisi Harun, Musa, Miryam men welatfag. Harun umalikisi Nadab, Abihu, Eleazar, Itamar men welatfag.

⁴Eleazar inowen Pinehas indag tibag. Pinehas inowen Abisua indag tibag.

⁵Abisua inowen Buki indag tibag. Buki inowen Uzi indag tibag.

⁶Uzi inowen Zerahya indag tibag. Zerahya inowen Merayot indag tibag.

⁷Merayot inowen Amarya indag tibag. Amarya inowen Ahitub indag tibag.

⁸Ahitub inowen Zadok indag tibag. Zadok inowen Ahimaas indag tibag.

⁹Ahimaas inowen Azarya indag tibag. Azarya inowen Yohanan indag tibag.

¹⁰Yohanan inowen Azarya indag tibag. Azarya ino Allah amingmingangge wereg lit At ibam o Yerusalem Salomoen witfahon ino foroho latfag.

¹¹Azarya inowen Amarya indag tibag. Amarya inowen Ahitub indag tibag.

¹²Ahitub inowen Zadok indag tibag. Zadok inowen Salum indag tibag.

¹³Salum inowen Hilkia indag tibag. Hilkia inowen Azarya indag tibag.

¹⁴Azarya inowen Seraya indag tibag. Seraya inowen Yozadak indag tibag.

¹⁵NINIKNI Allahn hun Nebukadnezar feneyen Yehuda inap men Yerusalem inap men ininggik hele waroho o Babel kinangma imbisik laruk lit Yozadak oho imbisik libag.

¹⁶Lewi umalikisi Gerson, Kehat, Merari men welatfag.

¹⁷Gerson umalikisi ununuk Libni men Simei men welatfag.

¹⁸Kehat umalikisi Amram, Yizhar, Hebron, Uziel men welatfag.

¹⁹Merari umalikisi Mahli men Musi men welatfag. Lewi inowen endetfahonen ondohowon ununggul unuk enemu-enemu atfahon onowesi ununuk haharoho imbibahon tuma ul:

²⁰Hun Gerson amloho Libni welatfag. Libni amloho Yahat, Yahat amloho Zima,

²¹Zima amloho Yoah, Yoah amloho Ido, Ido amloho Zerah, Zerah amloho Yeatrai welatfag.

²²Lewi amloho unuk Kehat inowen Aminadab indag tibag. Aminadab amloho Korah, Korah amloho Asir,

²³Asir amloho Elkana, Elkana amloho Ebyasaf, Ebyasaf amloho Asir,

²⁴Asir amloho Tahat, Tahat amloho Uriel, Uriel amloho Uzia, Uzia amloho Saul welatfag.

²⁵Hun Elkana umalikisi Amasai men Ahimot men welatfag.

²⁶Ahimot amloho Elkana welatfag. Elkana amloho Zofai, Zofai amloho Nahat,

²⁷Nahat amloho Eliab, Eliab amloho Yeroham, Yeroham amloho Elkana welatfag.

²⁸Elkana inowen Samuel indag tibag. Samuel amloho wandabon Yoel, pirenehon Abia welatfag.

²⁹Lewi amloho unuk Merari inowen Mahli indag tibag. Mahli amloho Libni, Libni amloho Simei, Simei amloho Uza,

³⁰Uza amloho Simea, Simea amloho Hagia, Hagia amloho Asaya welatfag.

³¹Allah Wene Numen haharehon peti elma kilabeg angge Allah wel turuk ambeg imbik kibareg Daud inowen NINIKNI Allah ibamen sini yunggultuk lamuhup ulug Lewi inap enesehelimuwon eneko in enepfag.

³²In enepfagma Allah men Ambi Atuk Ibam alukema unduhuk lit ari roho sini yunggultuk lamuhup ulug kong toho imbibag ane hikit toho turukmen eneg Salomo inowen o Yerusalem NINIKNI Allah ibam ino wiri fibag.

³³Hunumalikisi menen Allah asini yunggultuk lamuhup ulug in enepfahon ununuk tuma haharoho imbibag. Unggul unuk Kehat ahun Heman inowen sini yunggultuk ane milal eneptuk latfag. Heman ikni Yoel, Yoel ikni Samuel,

³⁴Samuel ikni Elkana, Elkana ikni Yeroham, Yeroham ikni Eliel, Eliel ikni Toah,

³⁵Toah ikni Zuf, Zuf ikni Elkana, Elkana ikni Mahat, Mahat ikni Amasai,

³⁶Amasai ikni Elkana, Elkana ikni Yoel, Yoel ikni Azaria, Azaria ikni Zefanya,

³⁷Zefanya ikni Tahat, Tahat ikni Asir, Asir ikni Ebyasaf, Ebyasaf ikni Korah,

³⁸Korah ikni Yizhar, Yizhar ikni Kehat, Kehat ikni Lewi, Lewi ikni hun Israel welatfag.

³⁹Hun Heman iraham inggik pikit fil are Asaf unduhuk lit sini yunggultuk ane milal eneptuk latfag. Asaf ikni Berekhya, Berekhya ikni Simea,

⁴⁰Simea ikni Mikhael, Mikhael ikni Baaseya, Baaseya ikni Malkia,

⁴¹Malkia ikni Etai, Etai ikni Zerah, Zerah ikni Adaya,

⁴²Adaya ikni Etan, Etan ikni Zima, Zima ikni Simei,

⁴³Simei ikni Yahat, Yahat ikni Gerson, Gerson ikni Lewi welatfag.

⁴⁴Hun Heman iraham inggik hare fil enere hun Merari inowen endetfahonen ondohowon unuk Etan unduhuk lit sini yunggultuk ane milal eneptuk latfag. Etan ikni Kisi, Kisi ikni Abdi, Abdi ikni Malukh,

⁴⁵Malukh ikni Hasabya, Hasabya ikni Amazia, Amazia ikni Hilkia,

⁴⁶Hilkia ikni Amzi, Amzi ikni Bani, Bani ikni Semer,

⁴⁷Semer ikni Mahli, Mahli ikni Musi, Musi ikni Merari, Merari ikni Lewi welatfag.

⁴⁸Lewi inap winon arimanowen Allah wel turuk ambeg yabuk winon obog toho wituk latfag.

⁴⁹Harun umalikisi menen helep sengget watfahon fam wam Allah fahet emberukon yaltuk lit amben fano pukag ulug hubu lahaptuk latfag. Allah amingmingangge Musa inowen ibag ane hikit toho iren Allah ibam hili unuk Mondabi Fanoma suwaleg ambeg inowen yabuk eke hag eke hag waruk lit Israel inap arimano wam domba amep fam fanowap eneptuk latfag.

⁵⁰Hun Harun inowen endetfahonen ondohowon ununuk haharoho imbibahon tuma ul: Harun amloho Eleazar welatfag. Eleazar amloho Pinehas, Pinehas amloho Abisua,

⁵¹Abisua amloho Buki, Buki amloho Uzi, Uzi amloho Zerahya,

⁵²Zerahya amloho Merayot, Merayot amloho Amarya, Amarya amloho Ahitub,

⁵³Ahitub amloho Zadok, Zadok amloho Ahimaas welatfag.

⁵⁴Kinang keyon Lewi inap ngi atuk lit o wiroho welamuhup ulug Israel inaben enehangge unubam hik tibag. Hun Kehat inowen endetfahonen ondohowon Harun umalikisi unubam enehangge tamon hik tibagma

⁵⁵o Yehuda kinang fam Hebron men wam foroho ambeg walinggoho werehon men it ngi atfag.

⁵⁶Ngi atfag angge famen yabuk o Hebron walinggoho werehon men o pumbuk toron men hun Yefune amloho Kaleb ino og itfag.

⁵⁷Ap unusulug larukon ili og eneptuk ambeg o Hebron men Libna men wam foroho ambeg walinggoho werehon men Harun umalikisi og isibag. Nin sebe roho o Yehuda kinang fam werehon Yatir, Estemoa,

⁵⁸Hilen, Debir,

⁵⁹Asan, Bet-Semes wam foroho ambeg walinggoho werehon men og isibag.

⁶⁰O pumbuk Benyamin kinang fam werehon Geba, Alemet, Anatot wam foroho ambeg walinggoho werehon men og isibag. Og isibag ambeg arimano ununggul unuk wal-wal welamuhup ulug o nuwalen og isibag.

⁶¹Hun Kehat inowen ondohowonen ondohowon minggiroho winon unubam Israel inaben enehangge hik tibagma ik Yordan hubula fil Manasye kinang fam o pumbuk numen it ngi atfag.

⁶²Hun Gerson inowen ondohowonen ondohowon ununggul unuk wal-wal welamuhup ulug o pumbuk nuwalen og isaruk lit Isakhar kinang fam werehon winon men Asyer kinang fam werehon winon men Naftali kinang fam werehon winon men o Basan tonggo Manasye kinang fam werehon inowet og isibag.

⁶³Hun Merari inowen ondohowonen ondohowon unubam enehangge hik tibagma o pumbuk nisanggowen ngi atuk lit Ruben kinang fam werehon winon men Gad kinang fam werehon winon men Zebulon kinang fam werehon winon men it ununggul unuk wal taneg ngi atfag.

⁶⁴Ari roho turuk lit Israel inap arimanowen Lewi inap o pumbuk wam foroho ambeg walinggoho werehonet og isibag.

⁶⁵Kinang og usul ulug enehangge hik tibareg o pumbuk Yehuda kinang fam werehon winon men Simeon kinang fam werehon winon men Benyamin kinang fam werehon winon men ununuk uruk lit og isibag.

⁶⁶Hun Kehat inowen endetfahonen ondohowon ununggul unuk winon arimano o pumbuk Efraim kinang fam werehon minggiroho winon og isibag.

⁶⁷Og isibahon arimano ap unusulug larukon ili og eneptuk ambeg o Sikhem tom Efraim fam werehon ino men o Gezer,

⁶⁸Yokmeam, Bet-Horon,

⁶⁹Ayalon, Gat-Rimon wam foroho ambeg walinggoho werehonet it ngi atfag.

⁷⁰Nin sebe roho ik Yordan hubula fil Manasye kinang fam o pumbuk Aner men Bileam men wam foroho ambeg walinggoho werehonet Kehat inap minggiroho winon arimanowen ngi atfag.

⁷¹Hun Gerson inowen ondohowonen ondohowon arimano o pumbuk ik Yordan yali fil Manasye kinang famon Golan o Basan kinangma werehon ino men Astarot men wam foroho ambeg walinggoho werehonet og isibag.

⁷²Nin sebe roho Isakhar kinang fam o pumbuk Kedes, Daberat,

⁷³Ramot, Anem wam foroho ambeg walinggoho werehonet og isibag.

⁷⁴Nin eke Asyer kinang fam o Masal, Abdon,

⁷⁵Hukok, Rehob wam foroho ambeg walinggoho werehonet og isibag.

⁷⁶Naftali kinang famon og isaruk lit o pumbuk Kedes kinang Galilea fam werehon ino men Hamon men Kiryataim men wam foroho ambeg walinggoho werehonet og isibag.

⁷⁷Hun Merari inowen ondohowonen ondohowon minggiroho winon Zebulon kinang fam o pumbuk Rimono men Tabor men wam foroho ambeg walinggoho werehonet og isibag.

⁷⁸Nin sebe roho o pumbuk ik Yordan yali fil Ruben kinang famon og isaruk lit o Bezer Yerikho fuma fil lekma werehon ino men Yahas men

⁷⁹Kedemot men Mefaat men wam foroho ambeg walinggoho werehonet og isibag.

⁸⁰Gad kinang famon oho og isaruk lit o pumbuk Ramot kinang Gilead fam werehon ino men Mahanaim men

⁸¹Hesbon men Yaezer men wam foroho ambeg walinggoho werehonet og isibag.