Read Angguruk Yali 1 TAWARIKH 9 Bible Online

1 TAWARIKH 9 - Angguruk Yali bible

1 TAWARIKH 9

¹Israel inap ununggul unuk obog toho suwesingga onowesi suwonen tohon fam haharoho imbibag. Yehuda inap arimanowen Allah enembol yig utuk latfag ane ari fahet ininggik hele waroho o Babel imbisik libag.

²Imbisik libagma amusun toho welatfareg atamtam ininggik loloho wilip enepfahon arimano olma inap men Allah amingmingangge imam men Lewi inap men Allah ibamen yabuk eke hag eke hag warukon men inibam yugmu o Yehuda watfareg welatfag.

³Ninibam o Yerusalem welamuhuk ulug Yehuda inap winon men, Benyamin inap winon men, Efraim inap winon men, Manasye inap winon men watfareg inibam welatfag. It ununuk tuma ul:

⁴Hun Yehuda amloho Peres inowen ondohowonen ondohowon Utai ino o Yerusalem watfareg welatfag. Utai ikni Amihud, Amihud ikni Omri, Omri ikni Imri, Imri ikni Bani welatfag.

⁵Yehuda amloho Syela inowen ondohowonen ondohowon eke amloho wandabon Asaya umalikisi men oho o Yerusalem watfareg welatfag.

⁶Yehuda amloho Zerah inowen ondohowonen ondohowon Yeuel ori men o Yerusalem watfareg welatfag. Yehuda inap o Yerusalem watfahon arimano obog toho enebe teng hinahaneg fumahen 690 welatfag.

⁷Hun Benyamin inowen ondohowonen ondohowon Salu ino oho o Yerusalem watfareg welatfag. Salu ikni Mesulam, Mesulam ikni Hodawia, Hodawia ikni Hasenua welatfag.

⁸Yeroham amloho Yibnea men, Mikhri inowen indag tibahon Uzi amloho Ela men, hun Mesulam men oho o Yerusalem watfareg welatfag. Mesulam ikni Sefaca, Sefaca ikni Rehuel, Rehuel ikni Yibnia welatfag.

⁹Benyamin inap arimano onori men enebe teng-teng angge 956 welatfag. It eheyon obog toho ununggul unuk wal-wal onowesi welatfag.

¹⁰Allah amingmingangge imam Yedaya, Yoyarib, Yakhin,

¹¹Azarya, Adaya, Masai men o Yerusalem watfareg welatfag. Azarya ino Allah ibam foroho inap onowe welatfag. At ikni Hilkia, Hilkia ikni Mesulam, Mesulam ikni Zadok, Zadok ikni Merayot, Merayot ikni Ahitub welatfag.

¹²Hun Adaya ikni Yeroham, Yeroham ikni Paskur, Paskur ikni Malkia welatfag. Hun Masai ikni Adiel, Adiel ikni Yahzera, Yahzera ikni Mesulam, Mesulam ikni Mesilemit, Mesilemit ikni Imer welatfag.

¹³Imam arimano onori men enebe teng-teng angge 1.760 welatfag. It obog toho ununggul unuk wal-wal onowesi wereg lit Allah ibamen yabuk eke hag eke hag fano roho waruk latfag.

¹⁴Hun Lewi inowen ondohowonen ondohowon Merari ahun Semaya ino oho o Yerusalem watfareg welatfag. Semaya ikni Hasub, Hasub ikni Azrikam, Azrikam ikni Hasabya welatfag.

¹⁵Bakbakar, Heres, Galal, Matanya men oho it men watfag. Matanya ikni Mikha, Mikha ikni Zikhri, Zikhri ikni Asaf welatfag.

¹⁶Obaja oho Berekhya oho o Yerusalem watfareg welatfag. Obaja ikni Semaya, Semaya ikni Galal, Galal ikni Yedutun welatfag. Hun Berekhya ikni Asa, Asa ikni Elkana welatfag. Elkana ino o Netofa inap inibam welatfag.

¹⁷Allah ibam sok foroho inap Salum, Akub, Talmon, Ahiman onori men oho o Yerusalem watfareg wereg lit Salum ino it onowe roho welatfag.

¹⁸Salumen ondohowonen ondohowon arimano sok ap suwonen tohon yali fil werehon ino forohoman eneg ketiya oho foroho lit wereg. Indam Israel inap lekma laruk latfag li Lewi inap o sabo wiroho nohoruk latfag ambeg sok ino oho Salum inap arimanowen foroho latfag.

¹⁹Salum ikni Kore, Kore ikni Ebyasaf, Ebyasaf ikni Korah welatfag. Salum ino ori Korah inap menen Allah men Ambi Atuk Ibam sok ino oho foroho latfag. Israel inap lekma laruk latfag li Salum inap unumbasiyen NINIKNI Allah welatfag ambeg sok ino foroho latfag.

²⁰Indam Eleazar amloho Pinehas ino it onowe roho welatfag. NINIKNI Allahn at fahet wenggel haruk laruhu.

²¹Meselemia amloho Zakharia inowen oho Allah men Ambi Atuk Ibam sok ino foroho latfag.

²²Sok foroho lamuhup ulug eneko lahap enepfahon arimano enebe obog toho teng likinen 212 welatfag. It ununuk inibam wal taneg suwesingga fam hahareg latfag. Indam ap suwon Daud men fulu ane yet halug ap hiyag isaruk ahun Samuel menen imbibag ane hikit toho sok arimano foroho latfag.

²³It unumalikisi menen Allah men Ambi Atuk Ibam sok forohoman eneg welatfag hag toho fobik NINIKNI Allah ibam witfagma oho iren eneg seneg latfag.

²⁴Sok yali filon, hubula filon, ik eleruk filon, ambut filon oho iren forohoma

²⁵onori o pumbuk wal-wal welatfahon arimano hundig-hundig o Yerusalem kik waharuk lit hup sabirenam it onori menen sok foroho lamuhup ulug hiyag isibag ane hikit toho turuk latfag.

²⁶Sok foroho inap onowesi Lewi inap uhan itanowen eneg likiya hupmu Allah ibam fano-fano angge hili wal taneg foroho latfahon arimano kim haruk latfag.

²⁷O hubanggo Allah ibam foroho lit likiya sok husuruk ane fahet Allah ibam iraham nohoruk latfag.

²⁸It arimano winonen Allah wel turuk lit wan turuk angge foroho latfag. Wan turuk angge arimano Allah wel tuk oho lit winako wan tulug nin umbuk oho lir oho winako imbik kuruk latfag.

²⁹Nin ap winonen mun angge man angge Allah ibam foroho latfag angge haltuk lit roti anggen fano roho lilibug tohon men hele anggur ahaluwe men e zaitun ahaluwe men amben fano angge men wep toho emberuk latfag.

³⁰Allah amingmingangge imam minggiroho winonen inggila amben fanowon eke hag eke hag oko walug mangno roho emberuk latfag.

³¹Lewi ahun Korah inowen ondohowonen ondohowon Salum amloho wandabon Matica inowen Allah fahet emberukon ulug roti anggen tag toho wiratuk latfag.

³²It onori hun Kehat inowen ondohowonen ondohowon winonen o sabir angge umbuhuk ulug roti anggen wep toho emberuk latfag.

³³Ununggul unuk Lewi inap onowesi Allah asini yunggultukon arimanowen unukohowet hubanggowet yabuk waruk lit Allah ibam hili werehon fam nohorukmu yabuk winon eke it og isa fug teg latfag.

³⁴Lewi inap ununggul unuk onowesi welatfahon arimano o Yerusalem yug toho welatfag.

³⁵O Gibeon inap unumba Yeiel ino o pumbuk Gibeon welatfag. Yeiel uhe Maakha welatfag.

³⁶Yeiel amloho wandabon Abdon weregma otsi Zur, Kis, Baal, Ner, Nadab,

³⁷Gedor, Ahyo, Zakharia, Miklot men welatfag.

³⁸Miklot inowen Simeam indag tibag. It arimano oho onori iniraham o Yerusalem welatfag.

³⁹Hun Ner inowen Kis indag tibag. Kis inowen Saul indag tibag. Saul inowen Yonatan, Malkisua, Abinadab, Esbaal men indag enepfag.

⁴⁰Yonatan amloho Merib-Baal welatfag. Merib-Baal inowen Mikha indag tibag.

⁴¹Mikha umalikisi Piton, Melekh, Tahrea, Ahas men welatfag.

⁴²Ahas inowen Yaera indag tibag. Yaera inowen Alemet, Azmawet, Zimri men indag enepfag. Zimri inowen Moza indag tibag.

⁴³Moza inowen Bina indag tibag. Bina amloho Refaya, Refaya amloho Elasa, Elasa amloho Azel welatfag.

⁴⁴Azel umalikisi falfaliken ununuk Azrikam, Bokhru, Ismael, Searya, Obaja, Hanan men welatfag.