Read Angguruk Yali EZRA 2 Bible Online

EZRA 2 - Angguruk Yali bible

EZRA 2

¹O Babilonia inap onowe suwon Nebukadnezar inowen Yehuda inap ininggik hele waroho og eneplug o Babilonia imbisik libagma amusun toho welatfareg o Yerusalem men kinang Yehuda men inibam wal taneg suhuloho watfahon ununuk tuma ul:

²Suhuloho waharuk lit onowesi milal eneptukon ununuk Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, Baana men welatfag. It arimanowen Israel inap ununggul unuk wal taneg werehon hondog eneplug laruk latfahon enebe winako suwesingga fam hahatfahon fahet ulon tu: Paros inap: — 2.172 Sefaca inap: — 372 Arakh inap: — 775 Pahat-Moab inap hun Yesua men Yoab menen ondohowonen ondohowon: — 2.812 Elam inap: — 1.254 Zatu inap: — 945 Zakai inap: — 760 Bani inap: — 642 Bebai inap: — 623 Azgad inap: — 1.222 Adonikam inap: — 666 Bigwai inap: — 2.056 Adin inap — 454 Ater inap hun Hizkia inowen ondohowonen ondohowon: — 98 Bezai inap: — 323 Yora inap: — 112 Hasum inap: — 223 Gibar inap: — 95 o Betlehem inap: — 123 o Netofa inap: — 56 o Anatot inap: — 128 o Asmawet inap: — 42 o Kiryat-Arim inap, o Kefira inap, o Beerot inap men: — 743 o Rama inap men Gaba inap men: — 6(...)

⁵⁹O Tel-Melah, o Tel-Harsa, o Kerub, o Adan, o Imer men pohon hag toho welatfag inap arimano Israel inaben ondohowonen ondohowon welahe ulug enepelehen fag toho uk fug teg latfag. It arimano ununggul unuk ulon tu: Delaya inap, Tobia inap, Nekoda inap men: 652

⁶¹Allah amingmingangge imam inibam suhuloho watfahon winon ununggul unuk Habaya inap, Hakos inap, Barzilai inap men welatfag. Barzilai inap unumba inowen Gilead ahun unuk Barzilai ahaloho eke hilibag ane ino fahet iyamal unuk salikap toho Barzilai suwaleg latfag.

⁶²Imam arimanowen nunumbasi ununuk suwesingga fam hahareg ano ulug yami rurukmen hiyahibag fug. Hiyahibag fureg imamen ondohowonen ondohowon welahe ulug fag toho uk fug teg latfagma Allah iyabuk wibuk fuhon werehen Allah amingmingangge roho welamuhup fug ulug imbisibag.

⁶³Imbisibagma Yehuda kinang seneg latfag ahun inowen hiyag isaruk lit, ”Allah fahet emberuk angge minggiroho winon imamen naruk angge famen hiren na fug angge weregman eneg nin hebeloho Allah amingmingangge imam onowe eke in aruhureg alem hunubam werehon haloho umbuhumu[1] eneg naruk lamuhup,” ulug hiyag isibag. Israel inap inibam suhuloho watfahon enebe mangno roho winako haharehon tu: — 42.360 Israel inap men ambiyeg watfahon tu: enemingmingangge ap angge men hiyap angge men: — 7.337 sini urukon ap angge hiyap angge men: — 200 Israel inaben enembohom walug watfahon tu: wam kuda: — 736 wam bagal: — 245 wam unta: — 435 wam keledai: — 6.720

⁶⁸Israel inap arimano[2] suhuloho ninibam lul ulug NINIKNI Allah ibam halog toho siyahap tibisibag ambeg o Yerusalem watfareg ununggul unuk onowesi minggiroho winonen o tam wirig latfag ambeg nin wiri fuhuk ulug wenggel hibareg Allah ibam witukon fahet inindi enehiyeg toho nungge-nungge emberuk latfag.

⁶⁹It enenggengge seneg latfag ane hikit toho emberuk lit ili ruruk angge emas anggin te 500 kilogram men, perak anggin te 2.800 kilogram men, sum imamen wan turukon teng uhan 100 men imbibag.

⁷⁰Ari tibagma imam arimano men Lewi inap men Israel inap minggiroho winon men inibam o Yerusalem yug toho welatfag.[3] Israel inap winon men, Allah wel turuk lit sini uruk inap men, Allah ibam sok foroho inap men, Allah ibam o le ke yabuk eke hag eke hag witukon men nunumbasi tam welatfag ambeg welamuhuk ulug inibam wal taneg libareg yug toho welatfag.