Read Angguruk Yali NEHEMIA 11 Bible Online

NEHEMIA 11 - Angguruk Yali bible

NEHEMIA 11

¹Israel inap onowesi arimano o Yerusalem watfareg yug toho weregma unumalikisi Israel inap enesehelimuwon sa-sa Yerusalem Allah wereg ambeg yug toho welamuhup ulug enehangge unubam hik turuk latusa. Enehangge hik tul ulug ap numen-numen palu eneptusareg enehangge unubam hik turukmen misig-misig unubam atfahon arimano o Yerusalem welamuhupmu hit winon o pumbuk walinggoho werehon fam lalihipteg yug toho welamuhup ulug hiyag isibag.

²Enehangge unubam atfag fuhon minggiroho winonen ninindiyen o Yerusalem welamuhuk uruk latfag. Uruk latfahon arimano ap obog tohowen wel eneptuk latfag.

³Olma inap men imam men Lewi inap men Allah ibamen yabuk man-man waruk inap men ap suwon Salomo amingminganggeyen endetfahonen ondohowon men enengginangma o Yehuda pumbuk wal-wal welatfag. Yehuda kinangma onowesi roho wereg lit o Yerusalem yug toho welatfag inap arimano ununuk tuma ul:

⁴Ununggul unuk Yehuda inap: Ataya: Ataya ikni Uzia, Uzia ikni Zakharia, Zakharia ikni Amarya, Amarya ikni Sefaca, Sefaca ikni hun Yehuda amloho Peres inowen ondohowon Mahalaleel welatfag. Maaseya: Maaseya ikni Barukh, Barukh ikni Kolhoze, Kolhoze ikni Hazaya, Hazaya ikni Adaya, Adaya ikni Yoyarib, Yoyarib ikni hun Yehuda amloho Syela inowen endetfahonen ondohowon Zakharia welatfag. Hun Peresen endetfahonen ondohowon arimano obog toho enebe teng nanggolop fumahen 468 inibam o Yerusalem welatfag. It arimano obog toho enembong se roho tog aptuk inap welatfag. Ununggul unuk Benyamin inap: Salu: Salu ikni Mesulam, Mesulam ikni Yoed, Yoed ikni Pedaya, Pedaya ikni Kolaya, Kolaya ikni Maaseya, Maaseya ikni Itiel, Itiel ikni Yesaya welatfag. Salu ori Gabai men Salai men. Benyamin inap obog toho enebe teng-teng angge 928 inibam o Yerusalem welatfag. Hun Zikhri amloho Yoel ino it onowe weregma Benyamin ahun Hasenua amloho Yehuda ino o Yerusalem foroho ahun iraham wela(...)

²⁰Israel inap winon obog toho men Lewi inap imam arimano men enengginangma o Yehuda pumbuk man-man yug toho welatfag.

²¹Allah ibamen yabuk eke hag eke hag waruk inap arimano o Yerusalem punu Ofel fam welatfag. Ziha men Gispa men it onowesi roho welatfag.

²²Hun Uzi ino Lewi inap o Yerusalem welatfahon onowe welatfag. Uzi ikni Bani, Bani ikni Hasabya, Hasabya ikni Matanya, Matanya ikni Mikha welatfag. Uzi ino hun Asaf inowen endetfahonen ondohowon welatfag. Asaf inap arimanowen Allah ibamen sembahyang uruk li Allah wel turuk asini yunggultuk latfag.

²³Ap suwon raja inowen ap ekeyen tu sambil, ekeyen ari sambil yabuk waruk lamuhup ulug imbibag ane hikit toho wal toho Allah wel turuk asini yunggultuk latfag.

²⁴Hun Yehuda amloho Zerah inowen endetfahonen ondohowon Mesezabeel amloho Petahya ino ap suwon raja iraham unduhuk lit umalikisi Israel inap unubam wereg ane fahet komo ruruk latfag.

²⁵Yehuda inap minggiroho winonen nenembohom foroho ambeg horogma welamuhuk ulug inibam man-man welatfag ambeg tuma haharoho emberuk lahe: O Kiryat-Arba o pumbuk walinggoho werehon men, Dibon o pumbuk walinggoho werehon men, Yekabzeel o pumbuk walinggoho werehon men,

²⁶o Yesua, o Molada, o Bet-Pelet,

²⁷o Hazar-Sual, o Bersyeba o pumbuk walinggoho werehon men,

²⁸Ziklag, Mekhona o pumbuk walinggoho werehon men,

²⁹En-Rimon, Zora, Yarmut,

³⁰Zanoah, Adulam o pumbuk walinggoho werehon men, o Lakhis kinang walinggoho werehon men, o Azeka pumbuk walinggoho werehon men Yehuda inap inibam welatfag. It enengginang o Beersyeban tulug o Hinom tonggoma hilihili wareg latfag.

³¹Benyamin inap inibam o Geba, Mikhmas, Aya, Betel o pumbuk walinggoho werehon men,

³²Anatot, Nob, Ananya,

³³Hazor, Rama, Gitaim,

³⁴Hadid, Zeboim, Nebalat,

³⁵Lod, Ono unuk salikap toho ”Tonggo O Wituk Inaben Tohon” suwaleg ambeg ino men welatfag.

³⁶Lewi inap minggiroho winon tam o Yehuda welatfahon arimano Benyamin inap men welamuhup ulug hiyag isibag ane hikit toho it men welatfag.