Read Angguruk Yali NEHEMIA 12 Bible Online

NEHEMIA 12 - Angguruk Yali bible

NEHEMIA 12

¹Hun Sealtiel amloho Zerubabel ino men imam onowe suwon Yesua menen Israel inap o Babelen inibam hondog eneplug waharuk lit imam men Lewi inap men it men waharuk latfahon ununuk tuma emberuk lahe: Allah amingmingangge imam: Seraya, Yeremia, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, Yedaya. It arimano hun Yesua welatfag li onori imam winon fahet onowesi roho welatfag. Lewi inap: Yesua, Binui, Kadmiel, Serebya, Yehuda, Matanya. Matanya ori men Allah wel turuk asini uruk inap wereg lit sini ebe urukmu Bakbukya men Uni men onori menen sini inggila uruk latfag. Imam onowe suwon Yesua amloho Yoyakim, Yoyakim amloho Elyasib, Elyasib amloho Yoyada, Yoyada amloho Yonatan, Yonatan amloho Yadua welatfag.

¹²Imam onowe suwon Yoyakim welatfag li imam inap ununggul unuk wal taneg werehon onowesi roho welatfahon ununuk tuma ul: [Ununggul unuk] — [Onowe unuk] [Seraya inap] — [Meraya] [Yeremia inap] — [Hananya] [Ezra inap] — [Mesulam] [Amarya inap] — [Yohanan] [Melikhu inap] — [Yonatan] [Sebanya inap] — [Yusuf] [Harim inap] — [Adna] [Merayot inap] — [Helkai] [Ido inap] — [Zakharia] [Gineton inap] — [Mesulam] [Abia inap] — [Zikhri] [Minyamin inap] — [unuk nenepeleg] [Moaja inap] — [Piltai] [Bilga inap] — [Samua] [Semaya inap] — [Yonatan] [Yoyarib inap] — [Matnai] [Yedaya inap] — [Uzi] [Salai inap] — [Kalai] [Amok inap] — [Heber] [(...)

²²Imam onowesi suwon Elyasib, Yoyada, Yohanan, Yadua men wal taneg welatfag li Lewi inap men imam inap men ununggul unuk man-man welatfahon ununuk suwesingga eke fam haharoho emberuk latfag. Ununuk arimano haharoho emberukmen eneg o Persia inap onowe raja Darius welatfag li obog toho haharoho imbibag.

²³Imam onowe Elyasib welatfag liyen tulug Elyasib amloho Yohanan imam onowe welatfag li Lewi inap ununggul unuk wal taneg welatfahon ununuk arimano suwesingga mun ane man ane teko libahon fahet haharoho imbibahon fam haharoho wereg.

²⁴Lewi inap ununggul unuk wal taneg onowe roho welatfahon ununuk Hasabya, Serebya, Yesua, Binui,[5] Kadmiel men welatfag. It arimano Allah wel turuk asini uruk inap wereg lit ap suwon Daud Allah amingmingangge inowen imbibag ane hikit toho sini ebe urukmu

²⁵onori Matanya, Bakbukya, Obaja menen sini inggila uruk latfag. Mesulam, Talmon, Akub menen Allah ibam sok iraham fano-fano angge emberuk ambeg arimano foroho latfag.

²⁶Iren imam onowe suwon Yoyakim hun Yozadak inowen endetfahon Yesua amloho ino men Yehuda kinang senehon Nehemia men Allah wene oluk ahun imam Ezra men onoluk weregma iniyabuk wal-wal turuk latfag.

²⁷Nehemia inowen haharoho imbibahon tu: Elehet o Yerusalem walinggoho kilabehon obog toho oho ferukukon fahet nenehiyehen Allah wel tuhuk perusa. Allah wel tuhuk sambil Lewi inaben pinggong puhuli waruk tung turuk lit sini yunggultuk lamuhuben inibam o pumbuk wal taneg wereg ambehen wamuhup ulug wol eneptusa.

²⁸Wol eneptusama Lewi inap Allah wel turuk asini urukon arimano o Yerusalem walinggoho inibam wit tarusa ambeg men o pumbuk toron Netofa inaben witfag ambeg arimano werehon men o Bet-Gilgal men kinang o Geba walinggoho werehon men o Asmawet werehon men o Yerusalem waharusa.

³⁰Waharusareg imam inap men Lewi inap arimano menen nunubabut hal amag ulug enehap ik fam umatusareg ap luhaleg latuson obog toho enebene ik hilil eneptuk lit elehet ino men sok kurukon men fene oho ik hilili ferusa.

³¹Hilili ferusama an Nehemian notsi Yehuda inap onowesi arimano elehet emberimu lahik maniyek ulug wol eneptikikteg sini yunggultuk inap unubam palu suwon piren fam in amek ulug hiyag isarikik. Hiyag isarikik ane hikit toho in atusareg palu misig inowen sini yunggultil elehet emberimu ik ambut fil sok unuk Ololongge horogma larusa.

³²Sini yunggultukon onombolim hun Hosaya men Yehuda inap onowesi winon men laruk latusa.

³³It onombolim imam inap Azarya, Ezra, Mesulam,

³⁴Yehuda, Benyamin, Semaya, Yeremia menen

³⁵pinggong watil laruk latusa. Imam arimano onombolim Lewi ahun Zakharia larisi. Zakharia ikni Yonatan, Yonatan ikni Semaya, Semaya ikni Matanya, Matanya ikni Mikha, Mikha ikni Zakur, Zakur ikni Asaf welatfag.

³⁶Zakharia men ori Semaya, Azareel, Milalai, Gilalai, Maai, Netaneel, Yehuda, Hanani menen puhuli ap suwon Daud Allah amingmingangge inowen watuk latfag hahon watil laruk latusa. Hun Ezra Allah wene oluk ahun ino it enelukema laruk lit milal eneptuk latisi.

³⁷Ari roho elehet emberi ke laruk lit sok ik eleruk fil wirig keyen tulug o pumbuk unuk Daud suwalfahon iraham keyen punumu lahalug Daud ibam pisan toho sok unuk Ik Sene mo lahik waharuk fil werehon iraham larusa.

³⁸Sini uruk inap palu pirenehon inowen sini yunggultil elehet emberim ke ik eleruk fil o yaron unuk Wiratuk Ambeg feneyen elehet unuk Ayuhuk Yaron suwaleg ambeg laruk lit an men Yahudi inap onowesi winon men laruk latukuk.

³⁹Elehet emberim ke larukmen eneg sok unuk Efraim men sok o Yesyana fil wilip atukon men sok unuk Ikan Walug Kurukon men keyen o yaron yet teg ambeg ununuk Mea men Hananeel men luharoho sok unuk Domba keyen laruk lit sok unuk Yet Enesug Ambeg iraham larukuk.

⁴⁰Larukukteg sini yunggultuk inap palu piren itano men Allah ibam owahalma in arik laruk lit an men Yehuda inap onowesi winon men ambiyeg larukuk.

⁴¹Larukukteg Allah ibam owahalma unduhukmu imam inap Elyakim, Maaseya, Minyamin, Mikha, Elyoenai, Zakharia, Hananya menen pinggong ininggikmu seneko an niraham unduhuk latusa.

⁴²Imam inap arimano iniraham Lewi inap Maaseya, Semaya, Eleazar, Uzi, Yohanan, Malkia, Elam, Ezer men unduhuk latusa. Ari roho unduhukmu hun Yizrahya inowen milal eneptukmu sini yunggultuk inaben sini fam Allah wel turuk latusa.

⁴³O ino sambil Allah fahet wam anggolo waroho hubu lahaptuk lit Allahn ninindi fanowap neneptisi ulug enehiyeg anggolo roho yunggultukmu hiyaben oho maliken oho si-si angge ruruk lit o Yerusalem inowen enehiyehen enele hi roho urukmu ap yatma werehonen oho holtuk latusa.

⁴⁴O itano li Allah ibam hili Allah fahet emberuk angge foroho ambeg arimano seneg lamuhup ulug ap in eneptusa. Ap in eneptuson arimanowen Israel inaben suburu tam yahaltukon men, mun angge man angge anggen tahantukon palu numen tebelug numon arimano men walug waharuk angge foroho latusa. Imam inap men Lewi inap menen Allah ibamen yabuk turukon fahet Yehuda inaben enehiyeg haruk lit inindiyen Allah wene fam haharoho imbibahon hikit toho yi angge ti angge iniyabukmuwen wilip atuk angge minggiroho winon imam inap men Lewi inap menen naruk lamuhup ulug ap in eneptuson arimano ininggikmu og isa waharuk latusa.

⁴⁵Ari roho turukmu imam inap men Lewi inap menen Allahn hiyag isibag ane hikit toho mun angge man angge At olohotma puhun toho welamag ulug ik umatuk lit Allah wel tul ulug alem eke hag eke hag turukmu Allah wel turuk asini uruk inap men Allah ibam sok foroho inap menen ap suwon Daud inowen amloho Salomo hiyag itfag ane hikit toho iniyabuk wal taneg turuk latusa.

⁴⁶Indam ap suwon Daud oluk weregma hun Asaf inowen Allah wel turuk asini uruk inap milal eneptuk latfag liyen tulug onowesiyen milal eneptukmu sini uruk inaben sini fam Allah wel turuk lit wereg.

⁴⁷Hun Zerubabel weregma turuk latfag hag toho hun Nehemia welatfag li oho Israel inap obog tohowen sini uruk inap men Allah ibam sok foroho inap menen likiya hupmu narukon walug waharuk latusa. Allah fahet umbul ulug walug waharuk angge Lewi inap ininggikmu og isaruk latusa. Og isaruk angge arimano minggiroho winon Lewi inap arimanowen imam inap og isaruk latusa.