Read Angguruk Yali NEHEMIA 7 Bible Online

NEHEMIA 7 - Angguruk Yali bible

NEHEMIA 7

¹Elehet obog toho oho ferukukteg anden sok hembit fihil tilihip ulug notsi hiyag isarikikmu hembit obog toho fihil teberusama Allah ibam sok foroho inap men, sini yunggultuk inap men, Lewi inap menen Allah ibamen yabuk wal taneg wituk ane ak turusa.

²Ak turusama o pumbuk Yerusalem aru foroho lamuhup ulug an nare Hanani men elehet yaron huk toho kilabeg ambeg foroho ahun Hananya men hiyag isarikik. Hananya inowen ele tem toho uruk lit Allah fahet akol toho wereg ane men ap winonen Allah fahet we tot enekol toho wereg ane men wirim teg latisi fug.

³Ari regma anden it piren hiyag isaruk lit, ”Mo lahik watug olok atukmu eneg elehet o pumbuk walinggoho ohowon sok husuruk lit hupmu sok foroho inap inibam luk oho lit sok latuk angge fam fano roho lare feruk lamuhup. Ap seliyon ninibam pumbukmu kik wamuhup tohon ulug Yerusalem inap minggiroho winon elehet iraham kahal enesugmu winon inibam owahalem ke kahal enesug lamuhuben hiyag isalihip,” irikik.

⁴O itano li o pumbuk Yerusalem ino hili yat toho waregma ap we tor angge wereg lit inibam uwan wit tarusa fug.

⁵Ari regma Nikni Allahn an milal naptukmu Israel inap ununggul unuk obog toho suwesingga fam haharoho umbuhuben it onowesi men ap suwon-suwon men unumalikisi obog toho men wol enebuhuk perikik. Ari perikikteg weregman suwesingga Israel inap o Babilonia kinang famen tam inibam watfahon ununuk haharoho imbibahon ino hiyaharikik. Suwesingga ino fam haharoho imbibahon tu:

⁶O Babilonia inap onowe suwon Nebukadnezar inowen Yehuda inap ininggik hele waroho og eneplug o Babilonia imbisik libagma amusun toho welatfareg inibam o Yerusalem men kinang Yehuda men fam suhuloho watfahon ununuk tuma ul:

⁷Onowesi milal eneptukon ununuk Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum, Baana men welatfag. It arimanowen Israel inap ununggul unuk wal taneg hondog eneplug laruk latfahon enebe winako hahare fibahon tu: Paros inap: — 2.172 Sefaca inap: — 372 Arakh inap: — 652 Pahat-Moab inap hun Yesua men Yoab menen ondohowonen ondohowon: — 2.818 Elam inap: — 1.254 Zatu inap: — 845 Zakai inap: — 760 Binui inap: — 648 Bebai inap: — 628 Azgad inap: — 2.322 Adonikam inap: — 667 Bigwai inap: — 2.067 Adin inap: — 655 Ater inap hun Hizkia inowen ondohowonen ondohowon: — 98 Hasum inap: — 328 Bezai inap: — 324 Harif inap: — 112 Gibeon inap: — 95 o Betlehem inap men Netofa inap men: — 188 o Anatot inap: — 128 o Bet-Asmawet inap: — 42 o Kiryat-Yearim inap, o Kefira inap, o Beerot inap men: — 743 o Rama inap men Gaba inap men: — 621 o Mikhmas inap: — 122 (...)

⁶¹O Tel-Melah, o Tel-Harsa, o Kerub, o Adan, o Imer men welatfag inap arimano enepelehen Israel inaben ondohowonen indag nenesuhon welahe ulug fag toho uk fug teg latfag. It arimano ununggul unuk tuma ul: Delaya inap, Tobia inap, Nekoda inap men: — 642

⁶³Allah amingmingangge imam inibam suhuloho watfahon winon ununggul unuk Habaya inap, Hakos inap, Barzilai inap men welatfag. Barzilai inap unumba inowen Gilead ahun unuk Barzilai ahaloho eke hilibag ane fahet iyamal unuk hikit toho Barzilai suwaleg latfag.

⁶⁴Imam arimanowen nunumbasi ununuk suwesingga fam hahareg ano ulug yami ruruk latfag angge famen hiyahibag fug. Hiyahibag fureg imamen ondohowonen indag nenesuhon welahe ulug fag toho uk fug teg latfagma Allah iyabuk wibuk fug tehen Allah amingmingangge roho welamuhup fug ulug imbisibag.

⁶⁵Imbisibagma Yehuda kinang seneg latfag ahun inowen hiyag isaruk lit, ”Allah fahet emberuk angge minggiroho winon imamen naruk angge famen hit na fug angge welamuhup. Fobik imam onowe in aruhuwon ekeyen alem hunubam werehon haloho umbuhumu[3] eneg naruk lamuhup,” ulug hiyag isibag.

⁶⁶Israel inap inibam suhuloho watfahon enebe mangno roho winako hahare fibahon tu: 42.360

⁶⁷Israel inap men watfahon tuma ul: enemingmingangge ap anggeyet hiyap anggeyet: — 7.337 sini urukon ap anggeyet hiyap anggeyet: — 245

⁶⁸Israel inaben enembohom walug watfahon tuma ul: wam kuda: — 736 wam bagal: — 245 wam unta: — 435 — 6.720

⁷⁰Israel inap arimano suhuloho ninibam lul ulug o Yerusalem watfareg ap anggolowen Allah wel turuk ibam haltukon fahet nungge-nungge emberuk latfag. Yehuda kinang seneg ahun inowen ili ruruk angge emas anggin te 8 kilogram men, kubag wam amep hinangguruk angge teng piren 50 men, sum imamen wan turukon teng likin fimahen 530 men imbibag.

⁷¹Ununggul unuk onowesi minggiroho winonen ili ruruk angge emas anggin te 168 kilogram men perak anggin te 1.250 kilogram men imbibag.

⁷²Olma inaben ili ruruk angge emas anggin te 168 kilogram men, perak anggin te 1.140 kilogram men, sum imamen wan turukon teng piren nubam hilag nuwalen 67 men imbibag.

⁷³Ari tibagma imam arimano men, Lewi inap men, Allah ibam sok foroho inap men, Allah wel turuk lit sini uruk inap men, Allah ibamen yabuk eke hag eke hag witukon men, Israel inap obog toho winon menen nunumbasi tam welatfag ambeg welamuhuk ulug inibam wal taneg libareg yug toho welatfag.