Read Angguruk Yali AYUB 21 Bible Online

AYUB 21 - Angguruk Yali bible

AYUB 21

¹Ayuben ele uruk lit,

²”Anden uruk lahiyon hiren fuki roho holtep halug fano. An nele holtep halug nindi se alep.

³An nele iminen hit hinindi imbik wambiyek! An nele obog toho iminmu hiren henele uruk lit inda yag naplihip.

⁴Anden ap kinangmon unubam eneg suwahal uruk lahi ano? Alem werehen an nindi imbik wambuk fug teg lahi.

⁵Hit heneluke yiko an yet niyaruk lit henekolen henele uk fug angge welatihip.

⁶Hiren ehebon fahet wenggel haruk lit nakolen elek-elek angge ruruk lahi.

⁷Nungge fahet Allah fahet ninirim perukon arimano fano wereg? It sabal atuk lit nin sebe roho inine atuk.

⁸Unumalikisi it men fano weregma unumbusagsi oho inilen yet isaruk.

⁹Allahn unusuruk elehen enekol ha fug angge inibam inindi yuwag toho wereg.

¹⁰Enembohom uwaliyen fiyag haruk elehen umalik endetukon arimano misig oho siyag atuk eleg.

¹¹Ininggareg unumalikisi arimano wam umalik hik tombo lahaptuk hag toho enehiyehen lo-lo la wam turuk.

¹²Ap arimanowen pinggong puhuli waruk men watuk lit enehiyeg toho sini yunggultuk.

¹³Enehiyeg toho weregman eneg inindi yuwag toho war atuk angge famen

¹⁴it arimanowen Allah fam enele uruk lit, ’Haren kalem fanowon laruk lamuhup ulug komo neneptuk lahenon niren holuhuk fuhen nunumbahalug lag.

¹⁵Saplangge Hat mondabi hineyon hamingmingangge welahe. Haren nenele holtuk lahen fug angge re nungge fahet Hat hubam sembahyang uruk lamuhuk?’ uruk angge famen

¹⁶it ininggarehen turuk ane ariyen fano wereg eleg peruk lahi. Allah ele sobir isarukon arimanowen wenggel haruk ane an nirim.

¹⁷Allahn peruk ane windal isarukon arimano misihim oho iral war atuk hag toho siyag atukmu hiren yet isarikip ano? Allahn olok haruk lit alem angginon unubam emberukon noenam tirisi?

¹⁸Inggilangge siyeluwen walug larukon hag toho wereg ano? Roti anggen alinglongangge homhomowen walug larukon hag toho ir oho longgo uruk ano?

¹⁹Iren siyag ane turukon fahet Allahn it unumalikisi alem angginon unubam umbuhu peruk lahep ano? Inindi anggar amag ulug Allahn it ininggareg unusukag!

²⁰It ininggareg siyag amuhuk peruk lamuhup. At mondabi ineyon ambilik ahe olokon ik hag toho hinang isarukmu ininggarehen nawag.

²¹It war amuk oho lit nunumalikisi fano welamuhup ano siyag toho welamuhup ano ulug wenggel isaruk lamuhup fug.

²²Allah ap palimu werehonet apma werehonet hal eneptukon ino ap san indi anggarap tuk teg?

²³Ap eke ebe fano regman eneg indi yuwag toho war atuk.

²⁴At ebe fit tarukmu uwag ine roho wereg.

²⁵Ap eke misihim oho fano ane ubam atuk elehen indi anggin toho war atuk.

²⁶It pirenet wareg angge kinang apma ambiyeg yinggigmu imbalowen sal enesug laruhu.

²⁷Hit hunundaman wenggel haruk lit Ayub apmayap tul peruk lahep ane an noluk.

²⁸Hit henele uruk lit, ’Ap suwon inibam kema wereg? It onolok ane turuk inap inibam eleg atisi fug ano?’ uruk lahep.

²⁹Hiren o kema-kema noruk inap men henele irikip fug? It laruk lit yet haruk latusa ane hiyag hisarukmu fano holtikip fug ano?

³⁰Iren enele uruk lit, ’Allahn olok haruk lit alem angginon ap unubam emberuk sambil onolok ane turuk inap inibil atukmu yet haruk latukuk,’ uruk.

³¹Iren onolok ane turukmu ap san komo eneptuk? Iren siyag ane turukon fahet ap san ayeg waruhu?

³²It war amuhupmu ap teng-teng angge winag isa fug tohowen it wareg angge paya eneplug lahupteg kinangma sal enebuhup. Sal enebuhup ambeg arimano aben fano foroho lamuhup.

³⁴Hiren an nindi seyap nabul ulug henele ehebon ari alem elehon eneg ehep. Henele si ane uruk lit nele yong naptuk lahep,” ulug hiyag isibag.