Read Angguruk Yali MAZMUR 110 Bible Online

MAZMUR 110 - Angguruk Yali bible

MAZMUR 110

¹Dauren sini milaltuk lit yunggultuk latfahon tu: NINIKNI Allahn hat an nikni ap suwon hubam ele uruk lit, ”Hat men seli roho werehon arimano huyug apma umbuhuken ninggik pikit fil tuma hur arik ma,” ulug hiyag hitisi.

²NINIKNI Allahn hat suwon welaruhun ulug unduhuk hubaharisireg hat o Sion weregma kinang hili yat toho og huruhumu ap seliyon oho haren sen enesug laruhun.

³Ap seliyon apmayap enepmin puhun sambil ino hotsi inindiyen lul puhupteg Allah antom Sion fam wamuhup. Ap kabiniyon arimano hubet hibilil wambik waharuk hag toho enehiyeg toho hambeg wamuhup.

⁴ NINIKNI Allahn hat hubam sali emberuk lit, ”Hun Melkisedek welatfag hag toho An nolohotman imam hag toho unduhuk lit weregman eneg welaruhun,” irisiyon ino uwag oko hilahu fug.

⁵NINIKNI Allah hat hinggik pikit fil unduhuk lit alem kong tuhu sambil ino ap suwon arimano al sahaloho unusuhu.

⁶Aren o pumbuk munon-manon alem angginon unubam emberuk lit enebe waroho palu lahap eneptuk lit ap suwon kinang atogman atogma werehon arimano lilibug toho unusuhu.

⁷Hat ap suwon inowen ik kalem ilan ke larukon nahunteg hine atuk lit palimu aruhun.