Read Angguruk Yali MAZMUR 12 Bible Online

MAZMUR 12 - Angguruk Yali bible

MAZMUR 12

¹Dauren sini milaloho pinggong ele hik toho watuk lit yunggultuk latfahon tu:

²NINIKNI Allah, let nenebik ma! Hat hele holtukon eleg atusa. Nit sehelimu Hat fam wenggel harukon arimano tot atusa.

³Ap ekeyen eke fam enele sibiling-sibiling ane uruk. Inindi piren teg lit ap inindi kahal enebul ulug aben fano pukag perukon eneg uruk.

⁴NINIKNI Allah, enele si uruk inap arimano elehap enebin! Enele hemet toho uruk ane ari eleg amag!

⁵Ap arimanowen, ”Nenele fano roho uruk lahe ane ariyen palimu amuhuk. Niren mun ane man ane fahet nenele urukmu ap misihen oho apmayap nenebuhu fug,” uruk.

⁶Ari urukmu NINIKNI Allahn ele uruk lit, ”Ap inilaheg toho werehon enele ying eneptukmu ngesekum turuk ane holihireg ketiya An in atminteg nine roho turuk laruhuk. Ap inine elehon unubam lukuram siyahon sipuk toho pet eneptukon arimano Anden fanowap enebuhuk,” uruk.

⁷NINIKNI Allahn we tem ane eneg uruk. Melei il yanggo amag ulug inggik sabirenam indokma iringgurukmu yanggo atukon men NINIKNI Allahn tem ane seleg toho urukon men ambi reg.

⁸NINIKNI Allah, Hat hele holtuk eleg inap arimano o kema-kema yuhun angge la wam turukmu onolok ane nit sehelimu su atuk angge famen Haren tem toho uruk lahenon hikit toho turuk lit ap inine elehon arimano enele si uruk inap ininggikmuwen windat enebuhunmu inindi yuwag toho weregman eneg welamuhup.