Read Angguruk Yali MAZMUR 120 Bible Online

MAZMUR 120 - Angguruk Yali bible

MAZMUR 120

¹O Yerusalem sembahyang uhuk ulug laruk lit sini yunggultuk latfahon tu: An asengseng toho wereg lit NINIKNI Allah ubam nele ine roho irikikmu Aren hol niyarisi.

²Anden nele uruk lit, ”NIKNI Allahn, aben enele si ane uruk lit an nele ying naptuken windat nabin,” irikik.

³Nori, hiren henele si ane uruk lahebon fahet alem nunggeyon nunubam aruhu peruk lahep?

⁴Ap ahako roho turuk ahun ekeyen hit hunusimin ulug tog kiyaroho wirihon men e ambulpul turukon men wep toho emberisi.

⁵Yihi, an hit sehelimu ap pohon hag toho welahiyon ari mondabi siyag. An welahi ane men o Mesekh inap ano Kedar inap unubabut onolokon ano enesehelimu ap pohon wereg ane men ambi reg.

⁶Hiren yik abuk fug angge wereg ane fahet ninirim peruk lahepma nambiken hit hiniraham amusun toho welatikik.

⁷Hit an men sebe roho welamuhuk ulug hiyag hisaruk lahimu hiren te nit hat men tog abul uruk lahep.