Read Angguruk Yali MAZMUR 121 Bible Online

MAZMUR 121 - Angguruk Yali bible

MAZMUR 121

¹O Yerusalem sembahyang uhuk ulug laruk lit sini yunggultuk latfahon tu: An let naptukon wambik watmisi ulug yet teg lit nil tom fam lahaboho lahi.

²NINIKNI Allah pohol ha kinang ha wal tibahon inowen let nabik watmisi.

³Hat huyug elek turuk lit mako wambuhun tohon ulug inggik obog hiyahu fug. Hat fet hasuhon ino nohuk fug angge wanggi wat hasug lit wereg.

⁴Israel inap fet enesuhon ino noho il am fug angge il wirik toho eneg wereg.

⁵An nalukema indi yuwag toho welamag ulug Aren har oho fet hasug lit wereg.

⁶Unukoho mo olok inowen huwatuk laruhu fug. Hubanggo pikalem famen ouk hubam atuk laruhu fug.

⁷Alem angginon hubam aruhu rohon NINIKNI Allahn fet hasug. Aren fet hasugmen eneg hat fano holuk welaruhun.

⁸Hat o kema-kema larukmu oho waharukmu oho ketiya famen tulug fobik oho fet hasugmen eneg welaruhu.