Read Angguruk Yali MAZMUR 122 Bible Online

MAZMUR 122 - Angguruk Yali bible

MAZMUR 122

¹O Yerusalem sembahyang uhuk ulug laruk lit sini uruk lamuhup ulug Dauren milal enepfahon tu: Aben nit Allah ibam lul ulug hiyag nutukmu an nahiyeg toho welatikik.

²Ketiya o Yerusalem elehet walinggoho ohowon sok iraham wahe.

³Yerusalem pumbuk suwon elehet ine roho walinggoho kilabehon ino mondabi fano reg.

⁴Israel inap ununggul unuk NINIKNI Allahn mumal enepfahon arimano obog toho tuma waharuk. At ele imbibahon hikit toho NINIKNI Allah wel tuhuk ulug waharuk.

⁵O pumbuk tuwen ap suwon Dauren ondohowonen ondohowon arimanowen unumalikisi unubam alem werehon haloho emberuk.

⁶Hiren o pumbuk Yerusalem fano welamag ulug sembahyang uruk lit, ”Yerusalem inindi reg inap obog toho fano welamuhup.

⁷Elehet ineyon ino alukema inindi yuwag toho wereg lit enehiyeg toho welamuhup,” uruk lamuhup.

⁸Anden numbalisi men nori men o Yerusalem kik waharukon arimano nindi enesug lahireg, ”O aru werehon fano welamuhup,” uruk lahi.

⁹NINIKNI Allah ibam o Yerusalem pulmu werehen, ”O aru fano welamag,” ulug sembahyang uruk lahi.