Read Angguruk Yali MAZMUR 126 Bible Online

MAZMUR 126 - Angguruk Yali bible

MAZMUR 126

¹O Yerusalem sembahyang uhuk ulug laruk lit sini yunggultuk latfahon tu: O pumbuk Yerusalem halog toho siyahap tibahon ino NINIKNI Allahn hebeloho fanowap tirisimu[18] niren nei waruk hag toho harukuk.

²Nit inda yatuk lit nenehiyehen sini yunggultuk latukukmu ap o pumbuk winonen enele uruk lit, ”INIKNI Allahn alem su ane unubahet tirisi,” uruk latusa.

³NINIKNI Allahn we tem toho su ane nunubahet tirisimu nenehiyeg toho welatukuk.

⁴NINIKNI Allah, nit ketiya oho siyag toho welahereg hebeloho fanowap nenebin! Ik firig atukon osit naruk lit nin hebeloho ik wereg atuk hag toho nit nunubam ari hag toho timihin.

⁵Uba yatuk lit eiyangge yatukon arimano ebe yahaltuk lit enehiyeg toho welamuhup.

⁶Ei yabul ulug yabukmu larukon arimanowen uba yatuk angge famen ebe yahaloho hilalug waharuk lit enehiyeg toho sini yunggultuk lamuhup.