Read Angguruk Yali MAZMUR 127 Bible Online

MAZMUR 127 - Angguruk Yali bible

MAZMUR 127

¹O Yerusalem sembahyang uhuk ulug laruk lit sini yunggultuk lamuhup ulug hun Salomo inowen milal enepfahon tu: NINIKNI Allahn o tu wibuhup peruk eleg halug o wituk inaben we saplangge wituk. NINIKNI Allahn o pumbuk aru foroho laruhuk fug peruk halug ap o pumbukmu kurukon sok fam kahaleg inap arimano we saplangge wereg.

²Hiren saplangge hubet-habet in atug naruk angge fahet sat toho yabuk witukmen eneg hup humanoho atukmu kel taruk lahep. NINIKNI Allahn ap indi enesuhon arimano nohorukmu Aren naruk angge og isaruk.

³Malik niren indag eneptuk laheyon arimano NINIKNI Allahn indi nisaruk lit og nisaruk.

⁴Kabinimu ap umalik indag eneptukon arimano sehen seneg inaben tog senehon hag toho wereg.

⁵Unumalikisi ap angge anggolo indag eneptukon arimano minggin tog hirap hag toho werehen iniknisi enehiyeg toho wereg. Alem kong turuk ambehen aben apmayap eneptuk lamuhup fug.