Read Angguruk Yali MAZMUR 129 Bible Online

MAZMUR 129 - Angguruk Yali bible

MAZMUR 129

¹O Yerusalem sembahyang uhuk ulug laruk lit sini yunggultuk latfahon tu: Israel inaben enele uruk lit, ”An nebe totman aben an nele ying naptukmen eneg welatusa.

²We tem toho nele ying naptuk latusa angge famen an apmayap naptusa fug.

³Kinang habultuk angge ayeg olokon nemberim ke yat toho lit isa larukmu nahap kiriring heheg lin nubaharusa angge famen

⁴NINIKNI Allah alem obog toho haloho emberuk ahun inowen hele ap onolokonen an wat naptuson kong toho hik isarisi.

⁵Tom Sion fahet ninirim peruk inap arimano obog toho ininggali haruk lit linggik-longgo uruk lamuhup.

⁶It arimano hoholangge o unggaman wilip atuk lit uwan su am fugmu kinang elehen halo urukon hag toho wereg.

⁷Hoholangge ari hahon ap misihen oho paltuk lit het toho emberuk eleg.

⁸Hoholangge paltuk ambeg iraham keyen laruk inaben subangge roho hoholangge paltukon unubam, ”NINIKNI Allahn indi hisamisi,” urukmu iren hebeloho, ”Niren oho NINIKNI Allah unuk fam hi heneptuk lahe,” uruk angge famen hoholangge ari ilim atuken Allah unuk fam hi-hi atuk ane ino eleg atuk.