Read Angguruk Yali MAZMUR 136 Bible Online

MAZMUR 136 - Angguruk Yali bible

MAZMUR 136

¹ NINIKNI Allah fano ulug At wel turuk lamek! Indamen tulug fobik oho Allahn indi nenesug laruhu.

²Allah aben nunumba perukon enemberimu werehon ino hi ruruk lamek! Indamen tulug fobik oho Allahn indi nenesug laruhu.

³Iniknisi obog toho Inikni fog turuk lamek! Indamen tulug fobik oho Allahn indi nenesug laruhu.

⁴At amuwen eneg alem suwon aben tuk fug tehon turuk. Indamen tulug fobik oho Allahn indi nenesug laruhu.

⁵Indi anggat teg lit pohol leho fibag. Indamen tulug fobik oho Allahn indi nenesug laruhu.

⁶Aren ik humon apma yenggelegma emberimu kinang tuwale fibag. Indamen tulug fobik oho Allahn indi nenesug laruhu.

⁷Aren selehap turuk angge suwon wal tibibag. Indamen tulug fobik oho Allahn indi nenesug laruhu.

⁸Ilingge fahet mo wal tibag. Indamen tulug fobik oho Allahn indi nenesug laruhu.

⁹Hubanggo fahet pikalem men suhal men wal tibag. Indamen tulug fobik oho Allahn indi nenesug laruhu.

¹⁰Mesir inap unumalikisi wandabon unusibag. Indamen tulug fobik oho Allahn indi nenesug laruhu.

¹¹Israel inap o Mesir kinangman hondog eneplug wilip atfag. Indamen tulug fobik oho Allahn indi nenesug laruhu.

¹²Inggik ineyonen windat enepfag. Indamen tulug fobik oho Allahn indi nenesug laruhu.

¹³Ik Longgop pul ke minggiri fibag. Indamen tulug fobik oho Allahn indi nenesug laruhu.

¹⁴Israel inap arimano hondog eneplug ik pul ke kinang lilog atfag keyen nindig atfag. Indamen tulug fobik oho Allahn indi nenesug laruhu.

¹⁵Mesir inap onowe suwon otsi sehen senehon men miyaloho ik ahummu kilap enepfag. Indamen tulug fobik oho Allahn indi nenesug laruhu.

¹⁶Umalikisi lek ke hondog eneplug laruk latfag. Indamen tulug fobik oho Allahn indi nenesug laruhu.

¹⁷Ap suwon inine roho welatfahon apmayap eneptuk latfag. Indamen tulug fobik oho Allahn indi nenesug laruhu.

¹⁸Ap suwon aben wel eneptuk latfahon unusibag. Indamen tulug fobik oho Allahn indi nenesug laruhu.

¹⁹Amori inap onowe suwon Sihon ware fisibag. Indamen tulug fobik oho Allahn indi nenesug laruhu.

²⁰O Basan kinang seneg ahun Og oho watfag. Indamen tulug fobik oho Allahn indi nenesug laruhu.

²¹It enengginang At umalikisi og isibag. Indamen tulug fobik oho Allahn indi nenesug laruhu.

²²Kinang ino amingmingangge Israel inap fibir enepfag. Indamen tulug fobik oho Allahn indi nenesug laruhu.

²³Aben nit apmayap neneptukmu Aren nit fahet wenggel nisaruk latfag. Indamen tulug fobik oho Allahn indi nenesug laruhu.

²⁴Ap seliyon ininggikmuwen taluk nenepfag. Indamen tulug fobik oho Allahn indi nenesug laruhu.

²⁵Lebe ruruk angge obog toho suburu og isaruk. Indamen tulug fobik oho Allahn indi nenesug laruhu.

²⁶Allah poholma werehon ino wel turuk lamek! Indamen tulug fobik oho Allahn indi nenesug laruhu.