Read Angguruk Yali MAZMUR 137 Bible Online

MAZMUR 137 - Angguruk Yali bible

MAZMUR 137

¹O Babilonia kinang fam ik werehon ayegma nit heriyeg lit o Sion fahet wenggel halug uba yatuk latukuk.

²Sini yunggultul fug ulug pinggong niren tohon e fam song tebeseruk latukuk.

³Nininggik hele waroho og neneptusa inap arimanowen, ”Henehiyeg toho sini yungguliyek!” ulug mingming neneptusa. Nit nenele ying neneptusa inap arimanowen, ”Henentom Sion fene sini yunggultuk lamek!” ulug hiyag nisaruk latusa.

⁴Pog ibam wereg lit NINIKNI Allah asini nangginoho yungguluk teg?

⁵Yerusalem, hat fahet napeleg aruhu halug ninggik pikiron siyag aruhumu pinggong kong tuk fug teg laruhuk.

⁶Yerusalem, hat an nindi pulmu rehon hubahet wenggel haruk laruhuk fug halug an nanggolop wo uhumu sini yungguluk fug teg laruhuk.

⁷NINIKNI Allah, ap seliyonen o Yerusalem pin kurusa sambil ino Edom inaben nunubam turusa ane Haren wenggel haruk laruhun. Iren uruk lit, ”Pin halog toho siyahap tilihipmu olun amag,” uruk latusa.

⁸Babel, hat fobik siyag aruhun. Nit nunubam holok ane tirikinon fahet ayeg waroho siyahap habuhu ahun ino ahiyeg toho welamag!

⁹Ap san hat humalikisi sen enebuhureg helep fene fuk isahu ahun ino Allahn indi reg laruhu.