Read Angguruk Yali MAZMUR 14 Bible Online

MAZMUR 14 - Angguruk Yali bible

MAZMUR 14

¹ Dauren sini milaltuk lit yunggultuk latfahon tu: Ap sohuwonen inindimu wenggel haruk lit Allah wereg eleg peruk. Iren tuk fug teg ane eneg turuk lit amben siyahon anggolo turuk. Misihen oho fano ane turuk eleg.

²NINIKNI Allah poholma wereg lit ap indi anggat tehonen An yami naptukon wereg ano ulug pilap isaruk.

³Ap obog toho unubabut mondabi siyahen un ke laruk lit misihen oho fano ane tuk fug angge wereg.

⁴NINIKNI Allahn ele urukon tu, ”Onolok ane turuk inap arimano unubam lombuk am fug teg? It arimanowen An numalikisi unusuruk lit enengge hilarukon naruk lit nubam sembahyang uruk eleg.”

⁵Allah fam wenggel harukon Aren inibil atuken ap onolok ane turukonen enekol anggolo hahup.

⁶It arimanowen enengge elehonen wenggeltuk ane apmayap turuk angge famen NINIKNI Allahn ili og eneptuk.

⁷NINIKNI Allahn o Sion famen Israel inap windat enebik walep! Aren nin hebeloho umalikisi Yakub umbusagsi arimano fanowap enebuhu halug enehiyeg toho welamuhup.