Read Angguruk Yali MAZMUR 141 Bible Online

MAZMUR 141 - Angguruk Yali bible

MAZMUR 141

¹Dauren sini uruk latfahon tu: NIKNI Allah, anden nele hi roho hubam urukmu folo-folo let nabik ma! Anden Hat heng haptuk lahiyon hol niyimin!

²Anden sembahyang uruk lahiyon fahet An nubahet hubu lahaptuk hag toho turuk pemihin. An ninggik Hat hibil leg haruk lahiyon fahet o hupmu An wel naptuk li suburu imbik waharuk hag toho turuk ulug wenggel homok.

³NIKNI Allah, an nambilikmuwen nele siyahon wilip aruhu rohon yet nasug lamin.

⁴An nindimuwen siyahon fahet wenggel hihi ha nowen let nabin. An men ap onolok ane turukon men mangno atuk lit Haren nirim peruk lahen ane tuhuk tohon! It arimanowen seni esetuk halug an it men wereg lit ambiyeg nul pihi ha nowen!

⁵Ap indi fanowon ekeyen an komo yig nutuk halug ari fano. Alem angginon nubam emberuk halug e ahaluwe amben fanowon nunggulmu are reberuk hag toho nubam tehek puhuk. At inowen an nubabut hal naptukon fahet nirim puk fug angge an men seli roho werehon arimanowen siyag ane turukon umbusuhuben sembahyang uruk lahi.

⁶Alem angginon unubam umbukag ulug unggum haloho emberuk inap ininggikmu umbuhupmu[20] it inindi anggar atuk lit anden uruk lahiyon fahet ele fano uruk latisi ulug onoluk aruhu.

⁷Kinang habultuk anggeyen habuloho fuma-fuma hik-hak isaruk hag toho it unuwag oho ap warehon wereg ambeg sokole ke lin-lan uruk lamuhup[21] angge famen

⁸an nilen Hat kilap hiyaruk lit Allah NIKNIYEN eneg let napmisi ulug yet hasug lahi. An siyag ahi ha nowen ulug Hat hapma hirag arik waharuk lahireg numbahuk fug!

⁹Onolok inaben an luhuroho nuwabul ulug turukmu nahap hirag nabin! An sapna elma kukag ulug kahal nasugmu windat nabik ma!

¹⁰It unubabut siyahon arimanowen an nubahet yebangge kilaptusa angge famen an elma kuk fug angge iraham keyen larukmu misihim ininggareg luhur amuhup.