Read Angguruk Yali MAZMUR 147 Bible Online

MAZMUR 147 - Angguruk Yali bible

MAZMUR 147

¹NINIKNI Allah wel turuk lamek! Ninikni ulug sini fam fog turukon ari fano. Henehiyehen At unuk leho feruk lamek!

²NINIKNI Allahn o Yerusalem hebeloho wiri feruk lit Israel inap hik-hak isaruson arimano andog toho hondog eneplug suhuloho inibam waharuk.

³Mondabi siyag amuhuk peruk inap fanowap eneptuk lit yowil unubam werehon tag angge eneptuk.

⁴Suhal obog toho winag isalug ununuk wal taneg uruk.

⁵Ninikni Allah suwon ine anggolo wereg. Mun ane man ane At indimu oluk tehon aben wirim ha fug teg.

⁶Aben apmayap eneptukon arimano NINIKNI Allahn ininggik lisoho unduhuk feseruk angge famen Aren siyag peruk ane turukon arimano apmayap eneptukmu kinangma ying atuk.

⁷NINIKNI Allah wel turuk asini yunggultuk lamek! Ninikni ulug pinggong kong til laruk lit sini iyok!

⁸Aren osit kinangma pilabik wamag ulug pohol atogman atogma hina mondotil laruk lit tom fene hoholangge wilibi feruk.

⁹Wam suburu og isaruk lit suwe pibalu umaliken suburu obok ulug enele ya nga urukmu oho og isa waharuk.

¹⁰Ap unuyug tog elma ilaluwe roho larukon men wam kuda ap seliyon onolohotman enekol eleg toho turukon men fahet NINIKNI Allahn nirim peruk.

¹¹Ap san Allah fahet enekol toho wereg lit Aren indi nenesug laruhu ulug yet teg inap fahet NINIKNI Allahn fano peruk.

¹²Yerusalem hinap nori, NINIKNI Allah unuk leho feruk lamek! Sion hinap nori, Hinikni hi rilihiben maniyek!

¹³Ap seliyon pin kuhup tohon ulug Aren elehet hinibam walinggoho ohowon sok hembit wirik toho lare feruk lit hit hunumalikisiyet nindiyen ulug hinineyap heneptuk.

¹⁴Ap o winamonen ilmig ta wamuhup tohon ulug henengginang foroho lit roti anggen fanowon eneg og hisarukmu henehum ouk toho naruk lahep.

¹⁵Tu men ari men teko lawag ulug ele urukmu folo-folo kinangma wambulug uruk ane hikit toho teko laruk.

¹⁶Aren osit soho anggen il wam domba oruk yanggowon hahon pilabik waharuk lit hibilil kinang alinlan hag toho o kema-kema saho ruruk.

¹⁷Osit helep anggen hahon kinangma hik-hak isaruk lit sun monde fik waharuk halug ap sa ine roho welam teg?

¹⁸At ele urukmu ik sunen helep hag atukon nin hebeloho wiyig atuk. Aren homhomo monde fik waharukmu ik il arikon ino hebeloho laruk.

¹⁹Aren Israel inap unubam ele hiyag isaruk lit Yakuben ondohowonen ondohowon arimanowen ari-ari turuk lamuhup ulug kong toho imbibahon milal eneptuk.

²⁰Ari hag toho NINIKNI Allahn ap o pumbuk winon unubam turuk latisi fugmu iren Allahn tuk teg ane fahet imbibahon enepeleg. NINIKNI Allah wel turuk lamek!