Read Angguruk Yali MAZMUR 148 Bible Online

MAZMUR 148 - Angguruk Yali bible

MAZMUR 148

¹NINIKNI Allah wel turuk lamek! Hit poholma welahebonen NINIKNI Allah wel turuk lamek! Hit lehoma welahebonen At fog turuk lamek!

²Hit Allah otsi malaikat obog tohowen At wel turuk lamek! Hit poholma luhaloho welahebonen At fog turuk lamek!

³Mo men pikalem menen At wel turuk lamek! Suhal ili ruruk lahebonen At fog turuk lamek!

⁴Pohol suwonen At wel turuk lamag. Ik pohol pali fil werehonen At fog turuk lamag.

⁵NINIKNI Allah ambilik fam wal enepfag angge arimano obog tohowen At unuk palimuwap turuk lamuhup!

⁶Aren hit man-man welamuhup ulug hiyag isibag ambeg wereg lit it unubahet hili imbibahon pisan isa fug angge weregman eneg welamuhup.

⁷Hit kinangma welahebonen NINIKNI Allah wel turuk lamek! Ik sene humon men manu suwon ik ahummu werehon menen At fog turuk lamag!

⁸Lebeglu men osit soho anggen hahon men osit helep anggen yanggowon hahon men hina men siyelu Allah ele holtukon menen At wel turuk lamag!

⁹Tom men punu men e anggen narukon men farema werehon men

¹⁰wam aben endetukon men endetuk elehon men enehum sap fam laruk angge men suwe pohol ke larukon menen At fog turuk lamag!

¹¹Hit ap o pumbuk obog toho welahebon men hiniknisi sen henesuhon men honowesi fet henesuhon men hinine roho welahebon men

¹²hit ap kabiniyon men hiyap tuhumon men ap sabalon men malik toron menen At wel turuk lamek!

¹³It obog tohowen NINIKNI Allah unuk palimuwap turuk lamuhup! We At unuk eneg palimu weregma Aren pohol men kinang men hondo reg lit wereg.

¹⁴Aren umalikisi Israel inap inineyap eneptisimu it arimano At apma wereg lit At wel turuk. It eneg indi pulmu werehen NINIKNI Allah wel turuk lamuhup!