Read Angguruk Yali MAZMUR 2 Bible Online

MAZMUR 2 - Angguruk Yali bible

MAZMUR 2

¹Nungge fahet o pumbuk obog tohowen ngik-ngog turuk? Ununggul unuk wal taneg werehonen tuk fug teg ane fahet wenggeltuk.

²Ap kinangmon iniknisi arimanowen enele ambiyeg uruk lit, ”NINIKNI Allah men ap suwon Aren mumaltisiyon men enele ying enebuhuk,” ulug in atuk.

³”It enemingmingangge welamuhuk fug ulug hele nininggik pug neneptuson kong toho hik usul,” uruk.

⁴NINIKNI Allah poholma ap suwon hur atuk ambeg heriyeg lit werehonen iren peruk ane fahet inda yatuk lit ininggaliyap eneptuk.

⁵Indimu olok haruk lit lagmag ukag ulug pet eneptuk.

⁶Aren ele uruk lit, ”Punu Sion Anden tohon fam ap suwon mumal tarikikteg unduhuk ferikik,” uruk.

⁷Ap unduhuk ferisiyon inowen ele urukon tu, ”NIKNI Allahn kong toho emberisiyon fahet hiyag hisamin: Aren, ’Hat An namloho welahen,’ ulug hiyag nitisi. ’O yoho tu Anden hat namlohowap haptuk lahi,’ irisi.

⁸’Heng napmihinmu o pumbuk obog toho hinggikmu embemin. Kinang obog toho haren seneg laruhun.

⁹Wanggun ineyon fam unusuhunmu kubag kinang fam wirihon halog toho laruk hag toho lin-lan uhup,’ irisi.”

¹⁰Ari fahet ap suwon-suwon welahebonen fano roho wenggel haruk lamuhup! Hit kinangma onowesi roho welahebon hinindi anggat toho welamuhup!

¹¹NINIKNI Allah fahet henekol toho wereg lit ele holtuk lamuhup!

¹²Henebe elek turuk lit At uyug alma hur atuk lamuhup. NINIKNI Allah indi folo-folo inahan turuk lit siyahap henebuhu rohon wenggel haruk lamuhup. NINIKNI Allah apma welaruhuk perukon arimano enehiyeg toho welamuhup.