Read Angguruk Yali MAZMUR 21 Bible Online

MAZMUR 21 - Angguruk Yali bible

MAZMUR 21

¹Dauren sini milaltuk lit yunggultuk latfahon tu:

²NINIKNI Allah, Hat hine reg lit let naptikin ulug ap suwon ino ahiyehen ele hi roho uruk.

³At indimuwen og netep perisiyon Haren og itikin. At ambilikmuwen Hat hubam heng haptisiyon holoho embeserikin fug.

⁴Haren fano ane eke hag eke hag ubam turukmu mun ane man ane timin peruk latisiyon obog toho fano teko larisi. Ap suwon lahaptuk angge emas fam wirihon unggulmu lahabe ferikin.

⁵An nebe fano wereg lit amusun toho welaruhuk ulug heng haptisimu Haren mo-mo angge amusun toho welaruhu ulug ineyap turuk lahen.

⁶Haren at let turukmu ine anggolo rehen unuk su atisi. Haren palimuwap tirikinmu aben fog iye ruruk.

⁷At oluk wereg li Haren ineyap turukmen eneg welaruhun. Haren ap suwon ino holohotma emberuken indi ahiyeg toho weregman eneg welaruhu.

⁸At inowen Hat hubam eneg wenggel haruk. NINIKNI Allah, Hat palimuwonen at ino hindi haruk lahenma indi yuk turuk laruhu fug.

⁹Allah, Haren ap Hat men seli roho werehon arimano mug eneplug laruk lit obog toho hiyag eneptuk laruhun. Hinggik ineyonen ap Hat fahet ninirim perukon arimano sen eneptuk laruhun.

¹⁰Hat it onolohotman inam aruhunmu indok ambulpul turukon hag amuhup. NINIKNI Allah, Haren holok toho unubam tuhunmu indoken enebe obog toho nahu.

¹¹Unumalikisi unumbusagsi oho elehap enebuhunmu kinang tu famen mondabi eleg amuhup.

¹²Iren Allah ele yong turuk lit siyag ane eke hag eke hag turuk lamuhuk peruk angge famen iren peruk ane hikir aruhu fug.

¹³Hat hasehen fam unusimin ulug sap enesug laruhunmu linggik-longgo uruk lamuhup.

¹⁴NINIKNI Allah, in atmihinteg ap seliyon arimano unubam hine roho turuk laruhunmu niren Allah ineyonen su ane tirisi ulug Hat wel haptuk lamuhuk.