Read Angguruk Yali MAZMUR 24 Bible Online

MAZMUR 24 - Angguruk Yali bible

MAZMUR 24

¹Dauren sini milaltuk lit yunggultuk latfahon tu: Kinang men mun angge man angge kinangma werehon obog toho men NINIKNI Allahn ngi reg lit wereg.

²Ik humon yenggelehon ahummu uwag ineyon pila feruk lit palimu kinang tuwale fibag.

³Ap sa hahon punu NINIKNI Allahn tohon fam laharuk lit At ibam fanoma kuk teg?

⁴Ap Allah ibam kimin perukonen indimu fano ane eneg wenggel haruk lit inggiken siyag ane tuk fug angge welamag. At inowen tik-tem toho ihi ulug ele si ane uk fug angge usasum foroho lam fug angge welamag.

⁵At fahet NINIKNI Allahn fano wereg ulug ineyap turuk lit let turuk laruhu.

⁶Yakub Ikni Allah yami rul ulug ambeg waharukon wereg ane ari hag toho wereg.

⁷Ap suwon mondabi palimuwon ino An nibam kimin peruk lit werehen sok miningon ino ele hum toho husi feruk lamuhup.

⁸Ap suwon mondabi palimuwon ino sa wereg? At ino NINIKNI Allah inggik ine reg lit ap seliyon apmayap eneptukon wereg.

⁹Ap suwon mondabi palimuwon ino An nibam kimin peruk lit werehen sok miningon ino ele hum toho husi feruk lamuhup.

¹⁰Ap suwon mondabi palimuwon ino sa wereg? NINIKNI Allah pohol ha kinang ha senehon ino ap suwon mondabi palimuwon wereg.