Read Angguruk Yali MAZMUR 28 Bible Online

MAZMUR 28 - Angguruk Yali bible

MAZMUR 28

¹Dauren sini yunggultuk latfahon tu: NIKNI Allah helep owik hag toho welahenon hubam nele hi roho uruk lahi. Nele urukmu hisanggo lareg lit hele eleg angge welam fug! Hele uhun fug halug an ap warehon hag toho welaruhuk.

²An nindi angginen Hat hubam nele hum toho urukmu hol niyimin! Hat hibam hili Mondabi Fanowon alukema unduhuk lit let nabik ma ulug ninggik leho felug hubam sembahyang urukmu yet niyimin!

³Ap Hat hele holuk fug angge siyag ane turukon men mangno roho miyaloho hik niya fug. Ap arimano inindimuwen onolok ane wenggeltuk lit onori unubam enelesiyon fano ane uruk.

⁴Iren onolok ane turukon hikit toho alem angginon fam unusuhun! Ininggiken siyag ane turukon hebeloho ininggareg unubam umbuhun!

⁵It arimanowen NINIKNI Allahn inggik ineyon fam turuk ane wenggel haruk elehen Allahn o halog turuk hag toho siyahap enebuhureg nin hebeloho in enebuhu fug.

⁶NINIKNI Allah fam anden let nabin ulug nele hi roho ihiyon holehekma At wel turuk lahi.

⁷NIKNI Allahn nahap mapmu angge wereg lit an hebeloho nineyap nabehekma we At ubam eneg wenggel haruk laruhuk. Allahn let nabehek ulug nahiyehen sini fam wel turuk laruhuk.

⁸NINIKNI Allah ine wereg lit umalikisi wanggi waroho fet enesug. An numalikisi fet enesug laruhun ulug mumal taruk ahun fahet Allah elehet hag toho wereg.

⁹NINIKNI Allah, nit Hat humalikisi welaheyon let nenebin! Nit hat hanggengge welahereg ninineyap nenebin! Wam domba foroho ahunen ambohom fet talug hag toho nir oho Haren fet nenesugmen eneg welaruhun.