Read Angguruk Yali MAZMUR 29 Bible Online

MAZMUR 29 - Angguruk Yali bible

MAZMUR 29

¹Dauren sini yunggultuk latfahon tu: Hit poholma welahebonen NINIKNI Allah wel turuk lamek! At umbagpag turukon mondabi ine wereg ulug At fog turuk lamek!

²At unuk suwon wereg ulug palimuwap turuk lamok! At usa fulu ahun ino inam arik waharukmu At olohotma henelenggen fam hur atuk lamok!

³NINIKNI Allah mondabi ineyon ino ik suwon yenggelehon emberimu heriyeg lit ele ululu sup turukmu ik suwon yenggelehon atogman atogma holtuk.

⁴NINIKNI Allahn ele hum toho uruk. Ele pararag turukmu

⁵e sahi silag turuk. E sahi tom Libanon fam werehon oho tukum toho lin-lan uruk.

⁶At olohotman tom Libanon wam sapi umalik hik tombo lahaptuk hag toho yuk turuk. Tom Siryon wam eli umaliken ununu ruruk hag toho turuk.

⁷NINIKNI Allahn ele urukmu lebeglu ruruk.

⁸NINIKNI Allah ele famen lekma yuk turukmu o Kades lekma oho yuk yasip turuk.

⁹NINIKNI Allahn ele urukmu mene faremon enekolen unumalik uwanangge ondoho feseruk. E farema werehon inggila loloho wamburuk. At ibam poholma werehon obog tohowen, ”Allah eneg palimu wereg,” uruk.

¹⁰NINIKNI Allah ik humon haglabut ine roho watukon emberimu heriyeg. NINIKNI Allah eneg ap suwon raja wereg lit kinang ki regman eneg welaruhu.

¹¹NINIKNI Allahn umalikisi inineyap enebuhumu enebe fano roho inindi yuwag toho welamuhup.