Read Angguruk Yali MAZMUR 3 Bible Online

MAZMUR 3 - Angguruk Yali bible

MAZMUR 3

¹Dauren amloho Absalom fahet akolen hirag arik laruk lit sini yunggultuk latfahon tu:

²NIKNI Allah, ap an fahet ninirim perukon anggolo weregma yet isimin. Enebe mondoko wereg lit an nuwabul ulug turuk.

³Ap anggolowen an nabug uruk lit, ”Allahn let turuk eleg,” uruk.

⁴NIKNI Allah, Hat tog piyabangge hag toho wereg lit an nahap mapmu naptuk lahen. Nakolen nunggul kunuk toho weregma Hat palimuwonen nunggul leko unduhuk nubaharuk lahen.

⁵Anden Hat hubam nele hi roho urukmu hantom Sion famen let nabik waharuk lahen.

⁶Hupmu Haren timi nasug lahenma nakol eleg toho noholug likiya in atuk lahi.

⁷Ap seliyon teng-teng angge waling nabik waharukmu oho anden nakol haruk lahi fug.

⁸NIKNI Allah, in atug windat nabik ma! Ap an fahet ninirim perukon obog toho iniyahunde sengge roho unusuruk lit eneyeg lilibug toho hik isamihin.

⁹NIKNI Allah, Haren ap windat eneptuk lahen. Nit Hat humalikisi welaheyon fano welamuhuken ninineyap nenebik ma!