Read Angguruk Yali MAZMUR 46 Bible Online

MAZMUR 46 - Angguruk Yali bible

MAZMUR 46

¹Korah inaben Alamot asini hikit toho milaltuk lit yunggultuk latfahon tu:

²Siyag ane nunubam atukmu Allahn likiya hupmu let neneptuk. Nenehap mapmu neneptuk lit ninineyap neneptuk.

³Kinang yuk turuk lit tom hebeloho saho ahik ikma wamburukmu nenekol toho welamuhuk fug.

⁴Ik hul salalang tik wamburuk lit aplohok hum toho turuken tom yuk turukmu nenekol eleg toho welamuhuk.

⁵Allah mondabi palimuwon wereg ambeg ik fanowon larukmu o pumbuk ino wereg inap enehiyeg haruk.

⁶Allah o pumbuk ino pulmu weregma o ino yuk tuhu fug. O sakan tirikim Allahn umaliki arimano let eneptuk.

⁷O pumbuk walinggoho werehonen enele ngik-ngog turuken ap suwon-suwon unuwag yuk turuk lit weregman Allah ele ululu sup turuk hag toho urukmu kinang atogman atogma werehon obog toho enekolen longgo uruk.

⁸NINIKNI Allah pohol alem kinang alem ngi ahun ino nim mangno roho welahe. Ap seliyonen waling neneptukmu Allah Yakub Ikniyen wanggi wat neneptuk.

⁹NINIKNI Allah inggik ineyonen turuk ane yet teg lamok. Ap inindi enekolap eneptuk ane turuk lit wereg.

¹⁰Kema-o kema-o tog aptukon Aren elehap turuk lit minggin tog sombo roho fit fala roho sing indokma yale feseruk.

¹¹Aren ele uruk lit, ”Tog embeselug An Hinikni Allah welahiyon honoluk teg lamok! Ap obog toho kinangma werehon fahet ap suwon An welahi,” uruk.

¹²NINIKNI Allah pohol alem kinang alem ngi ahun ino nim mangno roho welahe. Ap seliyonen waling neneptukmu Allah Yakub Ikniyen wanggi wat neneptuk.