Read Angguruk Yali MAZMUR 53 Bible Online

MAZMUR 53 - Angguruk Yali bible

MAZMUR 53

¹ Dauren sini Mahalat inggangga hikit toho sini milaltuk lit yunggultuk latfahon tu:

²Ap sohuwonen inindimu wenggel haruk lit Allah wereg eleg peruk. Iren tuk fug teg ane eneg turuk lit amben siyahon anggolo turuk. Misihen oho fano ane turuk eleg.

³Allah poholma wereg lit ap indi anggat tehon An yami naptukon eke wereg ano ulug pilap isaruk.

⁴Ap obog toho unubabut mondabi siyahen un ke laruk lit misihen oho fano ane tuk fug angge wereg.

⁵NINIKNI Allahn ele urukon tu, ”Onolok ane turuk inap arimano unubam lombuk am fug teg? It arimanowen An numalikisi unusuruk lit enengge hilarukon naruk lit nubam sembahyang uruk eleg.”

⁶Ap ekeyen unusimin ulug turuk elegman ap onolok ane turukonen enekol anggolo haruk lamuhup. Allah umalikisi siyahap enebul peruk inap arimano Aren unusuhureg unuwag hik-hak isahu. Allahn ap arimano ambol yig isarisimu At umalikisiyen apmayap enebuhup.

⁷Allahn tom Sion famen Israel inap windat enebik walep! Aren nin hebeloho umalikisi Yakub umbusagsi arimano fanowap enebuhu halug enehiyeg toho welamuhup.