Read Angguruk Yali MAZMUR 54 Bible Online

MAZMUR 54 - Angguruk Yali bible

MAZMUR 54

¹Hun Daud ino nit nenembeg waharisireg hiraho lit wereg ulug o Sifi inaben ap suwon Saul ambeg huruwe libagma Daud inowen ap inindi anggar amag ulug sini milaloho pinggong watuk lit yunggultuk latfahon tu:

³Hat Allah hunuk suwonen an windat nabik ma! Hat hineyonen nibil atuk lit nahap siye nabin!

⁴Nikni Allah, hisanggo leho femihinteg an nambilik fam hubam sembahyang uruk lahiyon aru hol niyimin!

⁵An napeleg inaben siyahap nabul ulug in atusa. Allah ubam wenggel ha fug angge onolok ane turukonen an nuwabul ulug yami naptuk angge famen

⁶Nikni Allahn an nibil atuk lit ili og naptuk.

⁷Allahn an inggik kobog niya fug angge let naptuk lit ap seliyonen nubam nonolok ane tul perukon hebeloho it unubam emberuk lit mondabi elehap enebuhu.

⁸NIKNI Allah, an nindiyen Hat hubahet umbuk tehon emberuk lit Allah unuk fano ulug Hat wel habuhuk.

⁹An asengseng toho weregma Haren windat naptikinmu an men seli roho welatuson arimano inine eleg atusama nilen kilap isaruk lahi.