Read Angguruk Yali MAZMUR 82 Bible Online

MAZMUR 82 - Angguruk Yali bible

MAZMUR 82

¹Hun Asafen sini yunggultuk latfahon tu: Tu Allah hag toho wereg perukon palu roho weregma Allah it onolohotma unduhuk lit alem unubam werehon haloho emberuk.

²Aren ele uruk lit, ”Noenam welamuhupteg alem kong turuk lit pikir ane hareyap turuk lahebon umbusuhup? Nosambil onolok ane turuk inap inibil atuk lahebon eleg aruhu?

³Ap inine elehon men malik suwarehon men ili og eneptuk lamuhup! Ap enenggengge elehon men inilaheg toho werehon men unggum unubam weregma fano haloho emberuk lamuhup!

⁴Ap inine elehon men enenggengge elehon men onolok ane turuk inap ininggikmuwen windat eneptuk lamuhup!

⁵Mun ane man ane alem obog toho fahet henepeleg toho wereg lit o hik teg ke laruk lahepma kinang ahongge yuk elek turuk.

⁶Anden nele uruk lit, ’Hit Allah hag toho welahep, hit obog toho An mondabi palimu welahiyon numalikisi welahep,’ irikik angge famen

⁷ap kinangmon hag toho hir oho war atuk lamuhup. Ap suwon obog toho hambuk uruk hag toho hir oho hambuk uhup,” uruk.

⁸Ninikni Allah, in atmihinteg kinang aru haltuk laruhun! Ap o pumbuk obog toho Haren eneg ki enesug lahen.