Read Angguruk Yali MAZMUR 83 Bible Online

MAZMUR 83 - Angguruk Yali bible

MAZMUR 83

¹Hun Asafen sini yunggultuk latfahon tu:

²Nikni Allah, Hat hele eleg angge welam fug! Hinggik si roho heriyeg lam fug!

³Hat men seli roho werehonen enele ngik-ngog turuk. Hat fahet ninirim peruk inap arimano inine atuk lit in atuk.

⁴Hat humalikisi siyahap enebuhuk ulug enele sahaltuk. Allahn fet enesug inap unusuhuk ulug enele umatuk.

⁵Israel inap arimano elehap enebuhukmu aben it ununuk fahet wenggel isaruk lamuhup fug uruk.

⁶Inindi misig atisireg Allah apmayap tuhuken nininggik ahandip toho welamuhuk ulug sali paltusa.

⁷O sabo wiroho werehon Edom inap men, Ismael inap, Moab inap, Hagar inap,

⁸Gebal inap, Amon inap, Amalek inap, Filistea inap, Tirus inap arimanowen it inibil atusa.

⁹Asyur inaben oho hun Loren ondohowonen ondohowon Amon inap men Moab inap men let eneptuk lamuhuk ulug it men mangno atusa.

¹⁰Haren o Midian inap apmayap eneptik inag hag toho ir oho apmayap enebuhun. Ik Kison horogma o En-Dor inowen hun Sisera men Yabin men unusinagma kinang amug war atfag hag toho it unubam oho tuhun.

¹²Midian inap onowesi Oreb men Zeeb men unubam tinag hag toho it onowesi unubam oho tuhun. Midian inap onowesi suwon Zebah men Salmuna men siyahap eneptik inag hag toho it ununuk suwon obog toho siyahap enebuhun.

¹³It obog tohowen enele uruk lit, ”Allah angginang ilmig tahuken lahuk,” uruk.

¹⁴Ari fahet Nikni Allah, hoholangge lilohon siyeluwen walug laruk hag toho it arimano hik-hak isahun.

¹⁵Ohi tom fene werehon harep naruk hag toho unubam tuhun.

¹⁶Enekolen linggik-longgo ukag ulug siyelu humon unubam monde fuhun.

¹⁷Ari roho unubam tuhunmu ininggali haruk lit NINIKNI Allah unuk uruk lamuhuk ulug Hat yami haptuk lamuhup.

¹⁸It seliyon arimano amusun toho ininggali harukmen eneg mondabi siyag amuhup.

¹⁹It inindi Hat hubahet anggar atuk lit unuk NINIKNI Allah suwalehon ino we misig eneg wereg, At mondabi palimu reg lit kinang obog toho ki haruk ulug onoluk aruhu.