Read Angguruk Yali MAZMUR 84 Bible Online

MAZMUR 84 - Angguruk Yali bible

MAZMUR 84

¹Korah inaben Gitit asini urukon wirim toho milaltuk lit yunggultuk latfahon tu:

²NINIKNI Allah pohol ha kinang ha seneg lahenon, Hat welahen ambeg fahet nahiyeg haruk lahi.

³Hat hibam welale ulug nindi ouk toho wenggel haruk lahi. Nebe abir anggeyen Hat Allah holuk welahenon wel haptuk lahi.

⁴Nikni Allah, Hat suwon pohol ha kinang ha seneg lahenonen an sen nasug lahen. Hat fahet hubu lahaptuk ambeg iraham suweyen oho ei wiri felug umalik endetuk.

⁵Ap Hat hibam wereg lit likiya hupmu sini fam wel haptukon arimano enehiyeg toho welamuhup.

⁶Haren inineyap eneptuk lahen inap inindi se roho welamuhup. Tom Sion famen Allah wel tik lahuk ulug inindimuwen wenggel harukon arimano enehiyeg haruk lamag!

⁷O Sion lul ulug o Baka tonggo kinang lilog teg keyen laruk lit unuyuhen soptuk ambeg ik wilip atuk. O hibi weregman eneg osit atamtam waharukon inowen kinang owe ruruk.

⁸Kalemma larukmen inine atukmu Hat tom Sion fam welahenon pen hiya waharuk. Aben wel eneptuk angge winon enemberimu welahenon yet hiya waharuk.

⁹Allah Yakub IKNI pohol ha kinang ha seneg lahenonen, anden sembahyang uruk lahiyon aru hol himin!

¹⁰Nikni Allah, ap suwon nit nenehap mapmu neneptuk lamag ulug Haren mumal tarikinon ino hindi reg lit halukema foroho laruhun.

¹¹Hup misig Hat hibam kulug wereg ane palimu regma mo-mo angge amumu werehon apma reg. Allah ibam kimin ulug sokolma unduhukon fahet fano peruk lahi. Allah enembol yig utuk inap men inibam ambiyeg wereg ane fahet nirim peruk lahi.

¹²NINIKNI Allah mo asinandi turukon hag toho wereg lit nenehap mapmu neneptuk. Aren indi nenesug lit nit palimuwap neneptuk. Anden peruk lahi ane hikit toho turuk inap umbusuhuk fug ulug fano ane eneg unubam turuk.

¹³NINIKNI Allah pohol ha kinang ha seneg lahenon, ap Hat hubam eneg wenggel hiyaruk inap enehiyeg toho welamuhup.