Read Angguruk Yali AMSAL 2 Bible Online

AMSAL 2 - Angguruk Yali bible

AMSAL 2

¹Namloho, anden komo haptuk lahiyon fano hol halug hindimu foroho laruhun.

²An nindi anggar amag ulug hisanggo leho lit mun ane man ane fahet fuki roho wenggel hamihinen hine roho wal himin.

³An nindi seleg amag ulug hele ine roho heng timihin.

⁴Fano-fano angge hirako weregma aben yami ruruk hag toho haren oho ap inindi anggar atuk ane ari hira rik lag.

⁵NINIKNI Allah fahet enekol toho wereg ane holuk aruhumu Aren perukon fahet hindi anggar aruhu.

⁶NINIKNI Allahn mun ane man ane alem obog toho fahet ap milal eneptuk lit inindi anggarap eneptuk.

⁷NINIKNI Allahn ap inindi pikit toho werehon inibil atuk. Fano ane eneg turukon fahet tog piyabangge hag toho wereg.

⁸Kalem pikiron laruk inap fet enesug lit inindi wirik toho ubam wenggel harukon wanggi wat enesug.

⁹Haren an nele holuhun halug Allahn fano peruk ane holuk aruhumu kalem fanowon laruk lit hele tem toho uruk lit pikir ane turukon fahet milal taruk laruhun.

¹⁰Hat hindi anggar atuk lit mun ane man ane fahet holuk teg laruhun ane ariyen hahiyeg toho welaruhun.

¹¹Ap inindi anggar atuk ane ariyen un ke lahu rohon ulug hat fet hasug laruhu.

¹²Ap unubabut siyahonen enele si ane uruk lit kalem pikiron embeselug o hik tegma larukon onombolim hat laruk laruhun fug.

¹⁴Ap arimanowen onolok ane turukon fahet enehiyeg haruk. Amben mondabi siyahon fahet ninindi peruk.

¹⁵It kalem pikit la fug angge mase ril laruk lit ap enele ying eneptukmen eneg wereg.

¹⁶Hiyap yaying turukon ekeyen Allah ele holtuk laruhuk ulug sali emberisiyon apeleg atukmu ahun embeselug ele fano roho hubam uruk halug hat hindi anggat teg lit at men ambiyeg lul fug puhun.

¹⁸At ibam larukon arimano war amuhup. At men ambi amul ulug ambeg larukon arimano ap warehon wereg ambeg kuruk.

¹⁹At ambeg kurukon arimano nin suhuloho wilip amuhupteg onoluk welamuhup fug.

²⁰Ari fahet ap unubabut fanowon laruk ke embeselug la fug angge pikir ane turuk inap onombolim laruk laruhunen hubam anggat toho welaruhun.

²¹Ap inindi pikit toho wereg lit Allahn peruk ane hikit toho turukon arimano eneg onoluk wereg lit kinang tu fam welamuhup.

²²Allah fahet ninirim peruk lit ap enele ying eneptukon arimano Allahn kinang tu famen hik isahumu mondabi eleg amuhup.