Read Angguruk Yali KIDUNG AGUNG 7 Bible Online

KIDUNG AGUNG 7 - Angguruk Yali bible

KIDUNG AGUNG 7

¹Hat ap suwonen ondohowon welahenon, huyug hililip angge wan teg lit iraroho sobi fil laruk lahen. Halunggu ubahare fa rehon ap inggik fanowonen wirig hag toho welahen.

²Hanum kubag ik unduk fanowon ololop toho hinanggurukon hag teg. Hahum roti anggen andog toho emberukon owil-owil angge walinggoho yihikon hag toho wereg.

³Hag ariya mene umalik piren hag toho wereg.

⁴Hanggolobag o yaron melei topno rehon hag toho wereg. Hilanggen ik sene o Hesbon elehet walinggoho ohowon sok horogma yenggelehon hag toho wereg. Hambiyang tom Libanon yaron o pumbuk Damsyik emberimu lahibahon hag teg lahen.

⁵Hat hunggul tom Karmel hag toho lahabegma horuk hekel mut fam palehon hag toho wereg. Horuk suwalehon ap suwonen oho yet halug inindi wat taruk.

⁶Anden nindi hasug lahiyon, hiyap obog toho sehelimu hat eneg horohole fano reg lit nindi kal samban naptuk lahen.

⁷Hat hebe wiramna men wirim tehen hag ariya ebe yihikon men hikit teg.

⁸An wiramna ari fene lahaminteg ebe seneg latmin. Hag ariya hele anggur anggen men wirim tehen anden nahiyeg toho kim hiyamin. Hambilik ahe e anggen amben fanowon hag toho timisiyen an nibil fu ha ma!

⁹Hambilikmuwen hele anggur ahaluwe unduk fanowon wamburukmu an namin. An nindi anggen tehon nohorukmu nambilikmuwen ahaluwe unduk fanowon ino paluk fug angge at ebene wamburukmu at ambiliken lup toho naruk lit an fahet indimu ouk haruk lamag.

¹⁰Nindi pulmuwon ino an ngi nasug. An fahet indi naruk.

¹¹Nindi anggen teg lahenon, e owil apma nohulen an men lul!

¹²Hubet hele anggur yaho ambeg lulteg hele arimano ininggik wilibig lit owil turukmu e anggen narukon oho owil yihik ano ulug yet hulen ma. Lul ambeg itan anden hat nindi hiyamin.

¹³Nindafubu amben fanowon ino somug ha lul. Lul ambeg sokolma e anggen unduk fanowon wereg. E ino anggen tam yihikonet we ket eneg yihikonet anden tahantikikteg hat nindi anggen tohon o yoho og hitminen foroho lahi.