Read Angguruk Yali YEREMIA 45 Bible Online

YEREMIA 45 - Angguruk Yali bible

YEREMIA 45

¹Hun Yosia amloho Yoyakim inowen Yehuda inap fet enesugmen eneg mo ilig am wirig am turukmu uhan atfagma hun Neria amloho Barukh inowen Yeremian hiyag utuk latfag ane hikit toho suwesingga fam haharoho emberukmu Yeremian at ubam ele uruk lit,

²”Nit Israel ninap NINIKNI Allahn hat Barukh hubahet ele urukon tu:

³Haren hele uruk lit, ’An asengseng toho weregma NINIKNI Allahn let nabuk fug angge nin sebe roho nindi angginap naptuk. Nindi angginen ngesekum turukmen eneg an nine eleg atisimu nindi yuwag toho welam fug teg lahi,’ uruk lahen.

⁴Ari uruk lahenma An HINIKNI Allahn hiyag hitminon tu: Anden o kema-kema yatuk latikikon hebeloho heneko hik isaruk lahi. Anden suwap turuk latikikon hebeloho halog tebeseruk lahi.

⁵Ari roho turuk lahi angge re hat eneg fano welale peruk lahen ano? Ari puk fug! Anden ap obog toho siyahap enebuhuk. We hat eneg o kema-kema laruk laruhun ambehen siyag am nowen ulug Anden ili og haptuk laruhuk. An HIKNI Allahn nele aru uruk lahi,” ibag.