Read Angguruk Yali YEREMIA 47 Bible Online

YEREMIA 47 - Angguruk Yali bible

YEREMIA 47

¹Mesir inap onowe suwon inowen o pumbuk Gaza ino uwan ilmig toho kuk fugmu NINIKNI Allahn o Filistin inap fahet an At amingmingangge nabi Yeremia hiyag nitisi ane hikit toho nele uruk lahiyon tu,

²”NINIKNI Allahn ele urukon tu holeg lamek: ’Ik eleruk filen ik fu lungnu ril waharuk lit fima-fima miyaloho laruk laruhu. Laruk lit ik inowen mun angge man angge o pumbuk obog toho abet inibamet hondo ruhumu ap obog tohowen enele ya nga uruk lamuhup.

³Ap seliyon enembohom kudan lisoho walug laruk angge kereta fam lahalug waharuk lit unuyug kinang folung-folung waharukon men kereta aplohok hum toho turukon men hol halug ap ininggik inine eleg aruhumu iniknisiyen nunumalikisi windat enebul ulug wenggel haruk lamuhup fug.

⁴Filistin inap obog toho siyag amuhup sambil horog teg. O ino sambil Filistin inap o Tirus inap men Sidon inap menen ili og eneptuk ane mondabi eleg aruhu. We tem An HINIKNI Allahn Filistin inap o Kreta ik alonggenman watfahon enebe tor angge werehon arimano siyahap enebuhuk,’ uruk.

⁵O Gaza inap inindi siyahen onoruk paltukmu o Askelon inowen ap enehiyehen yunggultuk ane eleg atuk. Hit hun Enak inowen ondohowonen ondohowon henebe tor angge wereg lahebon, noenam welamuhupteg hiren fong watuk lit henehap ke kiriring heheg wat taruk lahebon umbusuhup?

⁶Hiren henele uruk lit, ’Nosambil NINIKNI Allahn karog fam nunusuruk ane eleg aruhu? Karog ino nin hebeloho ei fam kilaboho nohukag!’ uruk lahep angge famen

⁷NINIKNI Allahn karog ino fam ele uruk lit, ’O Askelon inap men ik saho ahik ayegma wereg inap men unusukag,’ irisi angge re ke roho ap unusuruk ane umbusuk teg?”