Read Angguruk Yali HOSEA 11 Bible Online

HOSEA 11 - Angguruk Yali bible

HOSEA 11

¹ NINIKNI Allah ele urukon tu, ”Indam Israel inap kabinimu Anden nindi enesug lit ikniyen amloho wol turuk hag toho o Mesiren wilibig wamuhup ulug wol eneptikik.

²Anden anggoloenam wol eneptuk latikik angge famen it An nolohotman hikip-hikip mondabi yatma laruk latusa. An numbahalug laruk lit Baal fahet nunumba ulug wam esetuk lit ininggik fam wituson arimano fahet ninikni ulug hubu lahaptuk.

³Anden Israel inap enemu laruk ane milal eneptuk lit An ninggik fam waling enesug latikik. Ouk unubam wereg latuson oho Anden hihit eneptuk latikik angge famen iren wenggel haruk eleg.

⁴Anden tem toho nindi enesug lit An nambeg wamag ulug it kumbi ililoho lit eneptuk latikik. E paleg angginon it unumaloman oko embeserikik. An ninggareg apmayap taruk lit suburu og isaruk latikik.

⁵Israel inaben An nambeg suhuloho waharuk elehen nin o Mesir hebeloho lahupteg Asyur inap onowe suwon apma welamuhup.

⁶Israel inap inibam pumbukmu ap seliyon wamuhupteg tog windal-windal atuk lit elehet fam sok wirihon halog toho pin kuruk lit An numalikisi unusuhup. An fam inindi wenggeluk fug angge inindimuwen peruk ane hikit toho turukon ari famen war amuhup.

⁷An numalikisiyen enembol yig nutuk lit enehiyeg toho wereg. Nunumba ulug Baal unuk wol turuk angge famen aren hebeloho let eneptuk eleg.

⁸Israel hinap nori, Anden hit nambolma hunumbaharuk lit ninggik kobog hisa fug teg lahi! O Adma inap men Zeboim inap men siyahap eneptikik hag toho hit hunubam tihi ha fug teg. Hit hunusuhuk perikik angge famen An nindi hebel atuk lit nindiyen ulug hunumbahakuk peruk lahi.

⁹An nundama nolok ane indok ambulpul hag toho laharukon fam Israel hinap nin fobik siyahap henebuhuk fug. An ap kinangmon fug, An Allahn nele tem toho uruk lahi. Allah nebe usa fuluwon An welahireg nolok ane hunubam tuk fug angge let henebik waruhuk.

¹⁰An HINIKNI Allahn nele olomene ele hag toho kuwa ruhukmu An numalikisi enekolen unuwag elek-elek turuk lit saho ahik filen wamuhupteg An nombolim laruk lamuhup.

¹¹Suwe folo-folo laruk hag toho o Mesir men Asyur men kinangman wamuhupteg inibam Anden og isahukon fam inindi yuwag toho welamuhup,” ulug NINIKNI Allahn ele uruk.