Read Angguruk Yali HOSEA 3 Bible Online

HOSEA 3 - Angguruk Yali bible

HOSEA 3

¹NINIKNI Allah ele nubam irisiyon tu, ”Yaying turuk hiyap ino ap winon inim anggen fil laruk latisi angge famen nin lamihinteg indi wamihin. Ari hag toho Israel inaben An INIKNI Allah enembol yig nutuk lit nunumba ulug wel eneptukon unubam sembahyang uruk lit it unubahet enehiyeg toho kue kismis kin altap hahon[7] emberuk angge famen Anden inindi og enepmin,” irisi.

²Irisimu an larikikteg hiyap ino onggoma perak ili rurukon nuwal fimahen men roti anggen sum falfaliken men warikik.

³Warikikteg anden at ubam nele uruk lit, ”Hat hup anggolo yaying turuk elegma ap misihen oho sen habuk fugmu an oho hat men ambiyeg nohuk fug angge niraham welaruhun,” ulug hiyag itikik.

⁴Ari hag toho Israel inap unubam aruhu: Ap suwon men, onowesi let eneptukon men, Allah fahet hubu lahaptuk ane men, usa ahalep men, sabalhe men, usasumen teko laruk ane fahet hiyag isarukon men eleg angge hup amusun toho welamuhup.

⁵Welamuhupteg Israel inaben hebeloho NINIKNI Allah men ap suwon Dauren ondohowon it fet enesuhon men yami eneptuk lamuhup. NINIKNI Allahn fobik fanowap enebuhu sambil At fahet enekolen unuwag elek-elek turuk lit ambeg wamuhupmu let enebuhu.