Read Angguruk Yali HOSEA 6 Bible Online

HOSEA 6 - Angguruk Yali bible

HOSEA 6

¹Israel inaben Allah orohole yami ruruk lit, ”NINIKNI Allah ambeg hebeloho lulen maniyek! Aren nit senggel neneptuk latisi angge famen nin hebeloho nit hihit nenebuhu. Aren nit nunusuruk latisi angge famen yowil nunubam werehon tag angge nenebuhu.

²Hup pirenam nit welamuhukmu Aren nonolukap nenebuhu. O hinahaneg angge Aren nit unduhuk nunubahakumu nit At olohotma nonoluk welamuhuk.

³We tik-tem toho NINIKNI Allah fahet ninindi anggat toho welamuhuk ulug yami ruruk lamulen maniyek! Hup atlug o sakan turuk hag toho Ar oho tem toho let nenebik waruhu. O hibi eleg atukmu osit naruk lit kinang filik turuk hag toho Ar oho nit sehelimu inam aruhu,” ulug enele uruk angge famen

⁴NINIKNI Allahn ele urukon tu, ”Israel hinap, Anden alem nungge hahon hunubam umbuhuk? Yehuda hinap hunubam oho Anden nangginoho tuhuk? Hiren An hinindi nasug lahep ane o hina hubet laharukon men hibilil folo-folo likiyanet eleg atukon ari hag toho wereg.

⁵Hinindi nasug latikip fugmu Anden wene hiyag isaruk inap nabi feneyen komo yig hisaruk lit nambilik fam hunusuruk latikik. An numalikisiyen turuk lamuhup peruk lahi ane o seleg fanowon hag toho wilip atukon tu:

⁶Aben An inindi nasug ane fahet Anden fano peruk lit wam An nubahet esetukon nirim peruk lahi. An Allah onoluk toho werehon Anden nindi enesug lit An nubahet wam waroho yaltukon fahet siyag peruk lahi,” ulug Allah ele uruk.

⁷NINIKNI Allahn ele uruk lit, ”O pumbuk Adam horogman An nele ying naptuk lit hit men nininggik ahandip toho welamuhuk ulug sali imbiyahon sobir isarusa.

⁸O Gilead siyag ane til-wil noruk inap anggolo wereg lit ap unusurukon enemeben keleg teg.

⁹Yoholiyangge hilaruk inaben ap kahal enesug hag toho imam arimanowen oho ap unusul ulug An wel naptuk ambeg o Sikhem fil laruk inap kahal enesug. An namingmingangge wereg liren amben siyahon turuk.

¹⁰O Israel kinangman An nindi nolokap naptuk ane eneg turukmu yet isaruk latikik. Israel inaben An numbahalug ap winonen ninikni tu urukon men yaying turuk lit ininggarehen siyahap taruk latusa.

¹¹Hit Yehuda hinaben oho siyag ane turuk latikibon fahet Anden hebeloho alem angginon hunubam umbuhukon horog teg. Anden hundig-hundig numalikisi Israel inap