Read Angguruk Yali BILANGAN 2 Bible Online

BILANGAN 2 - Angguruk Yali bible

BILANGAN 2

¹NINIKNI Allahn Musa men Harun men unubam ele uruk lit,

²”Israel inap inibam arimano o sabo fanowon tot yat toho walinggoho welamuhuben ununggul unuk onowesi wal-wal werehon unumalikisi menen enehangge it wal tanehen hutuk teberuk ambeg iraham o sabo wiroho welamuhup,” ulug hiyag isibag.

³Hiyag isibag ane ari hikit toho mo lahik waharuk fil ap sehen senehon ununggul unuk hinahan onowesi wal taneg werehonen enehangge Yehuda inaben tohon hutuk teberuk ambeg walinggoho o sabo wiroho welamuhup ulug imbibag. It ununuk tuma ul: [Ununggul unuk] — [Onowe unuk] — [Enebe winang isibahon] Yehuda — Aminadab amloho Nahason — 74.600 Isakhar — Zuar amloho Netaneel — 54.400 Zebulon — Helon amloho Eliab — 57.400

⁹It enebe obog toho teng-teng angge 186.400 wereg lit enehangge Yehuda inaben tohon walinggoho o sabo wiroho welamuhupteg o sabo wirig ambehen wilip atug laruk sambil inibam halog toho walug onori ununggul unuk winon enelukema wilip atuk lamuhup ulug imbibag.

¹⁰Ik ambut fil ap sehen senehon ununggul unuk hinahan onowesi wal taneg werehonen enehangge Ruben inaben tohon hutuk teberuk ambeg walinggoho o sabo wiroho welamuhup ulug imbibag. It ununuk tuma ul: [Ununggul unuk] — [Onowe unuk] — [Enebe winag isibahon] Ruben — Syedeur amloho Elizur — 46.500 Simeon — Zurisyadai amloho Selumiel — 59.300 Gad — Rehuel amloho Elyasaf — 45.650

¹⁶It enebe obog toho teng-teng angge 151.450 wereg lit enehangge Ruben inaben tohon walinggoho o sabo wiroho welamuhupteg o ekema wilip atug laruk sambil inibam halog toho walug Yehuda inap onori men onombolim wilip atuk lamuhup ulug imbibag.

¹⁷It onombolim Lewi inaben inibam men o sabo fanowon men halog toho walug wilip atuk lamuhup ulug imbibag. Imbibag ane ari hikit toho Israel inap ununggul unuk winon walinggoho weregma Lewi inap inibam pulmu wiroho welatfag hag toho kalemma laruk lir oho Lewi inap arimano pulmu laruk latfag.

¹⁸Hubula fil ap sehen senehon ununggul unuk hinahan onowesi wal taneg werehonen enehangge Efraim inaben tohon hutuk teberuk ambeg walinggoho o sabo wiroho welamuhup ulug imbibag. It ununuk tuma ul: [Ununggul unuk] — [Onowe unuk] — [Enebe winag isibahon] Efraim — Amihud amloho Elisama — 40.500 Manasye — Pedazur amloho Gamaliel — 32.200 Benyamin — Gideoni amloho Abidan — 35.400

²⁴It enebe obog toho teng-teng angge 108.100 wereg lit enehangge Efraim inaben tohon walinggoho o sabo wiroho welamuhupteg o ekema wilip atug laruk sambil inibam halog toho walug Lewi inap onombolim wilip atuk lamuhup ulug imbibag.

²⁵Ik eleruk fil ap sehen senehon ununggul unuk hinahan onowesi wal taneg werehonen enehangge Dan inaben tohon hutuk teberuk ambeg walinggoho o sabo wiroho welamuhup ulug imbibag. It ununuk tuma ul: [Ununggul unuk] — [Onowe unuk] — [Enebe winag isibahon] Dan — Amisyadai amloho Ahiezer — 62.700 Asyer — Okhran amloho Pagiel — 41.500 Naftali — Enan amloho Ahira — 53.400

³¹It enebe obog toho teng-teng angge 157.600 wereg lit enehangge Dan inaben tohon walinggoho o sabo wiroho welamuhupteg o ekema wilip atug laruk sambil inibam halog toho walug onori ununggul unuk obog toho winon onombolim wilip atuk lamuhup ulug imbibag.

³²Israel inap ununggul unuk wal taneg werehon sehen senehon enebe obog toho teng-teng angge 603.550 welatfag.

³³NINIKNI Allahn Musa hiyag itfag ane hikit toho Israel inap ununggul unuk winon tog abukon enebe winag isibag hag toho Lewi inap enebe winag isaruk lit suwesingga fam haharoho imbibag fug.

³⁴Israel inap arimanowen NINIKNI Allahn Musa hiyag itfahon obog toho turuk lit ununggul unuk onowesi wal-wal werehon unumalikisi menen enehangge iren tohon hutuk teberuk ambeg walinggoho o sabo wiroho wereg latfag. O sabo wirig ambeg wal taneg wereg latfag ane hikit toho inibam halog toho walug wilip atuk lir oho ununggul unuk onowesi wal-wal welatfahon arimano iraroho wilip atuk latfag.