Read Angguruk Yali BILANGAN 26 Bible Online

BILANGAN 26 - Angguruk Yali bible

BILANGAN 26

¹Ouk alem suwonen Israel inap anggolo unusibagma NINIKNI Allahn Musa men Allah amingmingangge imam Harun amloho Eleazar men unubam ele uruk lit,

²”Hiren Israel inap kabiniyon enebe obog toho winag isalihip. We tog abukon indag atuk sambilen mo ilig am wirig am turukmen likin fimahen atisiyon pali filon eneg winag isalihipteg ununggul unuk wal taneg werehon onowesi wal-wal werehonet unumalikisiyet suwesingga fam haharoho embelihip,” ulug hiyag isibag.

³Hiyag isibag ane ino hikit toho Musa men Eleazar menen ap kabiniyon obog toho winag isibag. Winag isibag sambil ino Israel inap arimano ik Yordan paloho kinang Yerikho fil la fug angge o Moab lekma welatfag. Israel inap o Mesiren wilip atfahon unumalikisi enebe obog toho winag isaruk lit suwesingga fam haharoho imbibag.

⁵Yakub amloho monggiyon Ruben inowen ondohowonen ondohowon famen ak turuk lit ununggul unuk wal taneg werehon enebe obog toho winag isibareg suwesingga fam haharoho imbibahon tu: Ununggul unuk Henokh inap, Palu inap, Hezron inap, Karmi inap men teng-teng angge 43.730 welatfag.

⁸Hun Palu amloho Eliab,

⁹Eliab umalikisi Nemuel men Datan men Abiram men welatfag. Datan men Abiram men Israel inaben nonowesi roho welamuhup ulug in enepfahon welatfag. Hun Korah ori menen NINIKNI Allah abug urukmu it piren itano oho it men mangno atuk lit Musa men Harun men enele ying eneptuk latfag.

¹⁰Ari turukmen kinang it piren unduhuk latfag ambeg kuroho ele a ribibareg it enebe piren men Korah ori men pil isibagma Korah ori winon enebe teng sohowen indoken han wiyaloho war atfag. It unubam teko libag ane nit nunubam aruhu rohon ulug Israel inaben ketiya oho wenggel haruk.

¹¹Korah war atfag sambil ino umalikisi war atfag fug.

¹²Hun Simeon inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Nemuel inap, Yamin inap, Yakhin inap, Zerah inap, Saul inap men teng-teng angge 22.200 welatfag.

¹⁵Hun Gad inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Zefon inap, Hagi inap, Syuni inap, Ozni inap, Eri inap, Arod inap, Areli inap men teng-teng angge 40.500 welatfag.

¹⁹Hun Yehuda inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Syela inap, Peres inap, Zerah inap men, Peres umalikisi Hezron men Hamul menen ondohowonen ondohowon men teng-teng angge 76.500 welatfag. Israel inap o Mesir kinang fam uwan la fugmu Yehuda umalikisi Er men Onan men Kanaan kinangman war atfag.

²³Hun Isakhar inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Tola inap, Pua inap, Yasub inap, Simron inap men teng-teng angge 64.300 welatfag.

²⁶Hun Zebulon inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Sered inap, Elon inap, Yahleel inap men teng-teng angge 60.500 welatfag.

²⁸Hun Yusuf inowen ondohowonen ondohowon enebe obog toho winag isibareg suwesingga fam haharoho imbibahon tu: Yusuf umalikisi Manasye men Efraim men welatfag. Manasye inowen Makhir indag tibag, Makhir inowen Gilead indag tibag. Gilead inowen ondohowonen ondohowon ununggul unuk Iezer inap, Helek inap, Asriel inap, Sekhem inap, Semida inap, Hefer inap men welatfag. Manasye inap arimano obog toho enebe teng-teng angge 52.700 welatfag. Hun Hefer amloho Zelafehad inowen ap umalik indag ta fug angge hilani malik indag enepfahon ununuk Mahla, Noa, Hogla, Milka, Tirza men suwal enesug latfag.

³⁵Hun Efraim inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Sutelah inap men, Sutelah amloho Eran inowen ondohowonen ondohowon men, Bekher inap men, Tahan inap men teng-teng angge 32.500 welatfag.

³⁸Hun Benyamin inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Bela inap, Asbel inap, Ahiram inap, Sefufam inap, Hufam inap, Bela umalikisi Ared men Naaman menen ondohowonen ondohowon men teng-teng angge 45.600 welatfag.

⁴²Hun Dan inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Suham inap enebe teng-teng angge 64.400 welatfag.

⁴⁴Hun Asyer inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Yimna inap, Yiswi inap, Beria inap, Beria umalikisi Heber men Malkiel menen ondohowonen ondohowon men enebe teng-teng angge 53.400 welatfag. Asyer ahaloho Serah welatfag.

⁴⁸Hun Naftali inowen ondohowonen ondohowon enebe obog toho winag isibareg suwesingga fam haharoho imbibahon tu: Ununggul unuk Yahzeel inap, Guni inap, Yezer inap, Syilem inap men enebe teng-teng angge 45.400 welatfag.

⁵¹Israel inap tog abukon enebe obog toho teng obog sehelet obog 601.730 winag isibag.

⁵²Winag isibagma NINIKNI Allahn Musa fam ele uruk lit,

⁵³”O Kanaan kinangma kuhupteg Israel inap ununggul unuk wal taneg werehon enebe winag isarikip ane hikit toho kinang fibir isahun.

⁵⁴Ununggul unuk enebe anggolo werehon arimano kinang suwon og isahun, enebe tor angge werehon kinang toron og isahun. Kinang og isamin ulug ununggul unuk unubam enehangge hik turuk lit kinang fibir isahun,” ulug hiyag itfag.

⁵⁷Hun Lewi famen Gerson inap men Kehat inap men Merari inap men ondoko libag.

⁵⁸Hun Lewi inowen ondohowonen ondohowon ununggul unuk Libni inap, Hebron inap, Mahli inap, Musi inap, Korah inap, Kehat amloho Amram inowen ondohowonen ondohowon men welatfag. Amram inowen Lewi ahaloho o Mesiren indag tibahon unuk Yokhebed hilibag. Yokhebed inowen ap umalik piren ununuk Harun men Musa men ahaloho misig unuk Miryam men ahun Amram indag itfag. Harun inowen Nadab men Abihu men Eleazar men Itamar men indag enepfag. Nadab men Abihu menen NINIKNI Allah ele sobir isalug indok anggen amuwon At olohotma walug waharukmen war atfag.

⁶²Lewi inap ap angge indag atukon sali pikalem misig atfahon pali filon enebe obog toho teng-teng angge 23.000 welatfag. Israel inap winon kinang ngi reg lamuhup hag toho Lewi inap ngi reg lamuhup fug ulug onori winon men ambiyeg winag isa fug angge enemu winag isibag.

⁶³It arimano obog toho ik Yordan paloho Yerikho kinang fil la fug angge o Moab lekma weregma Musa men Allah amingmingangge imam Eleazar menen winag isaruk lit suwesingga fam haharoho imbibag.

⁶⁴Indam Israel inap arimano o Sinai lekma weregma Musa men imam Harun menen enebe winag isibareg welatfagma NINIKNI Allahn ele uruk lit, ”Israel inap obog toho lekman war amuhup,” ibag ane hikit toho it atam winag isibahon obog toho war atfag. War atfagma we hun Yefune amloho Kaleb men Nun amloho Yosua men onoluk wereg li ininggik pireneg angge winag isibag.