Read Angguruk Yali BILANGAN 34 Bible Online

BILANGAN 34 - Angguruk Yali bible

BILANGAN 34

¹Hiyag itfareg NINIKNI Allahn Musa fam nin ele uruk lit,

²”Haren Israel inap hiyag isamihinon tu: Hit o Kanaan kinang fam kuhupteg hit ngi roho welamuhup ambeg arimano fahet hiliyangge embeminon tu:

³Hit henengginang hili-hili ik ambut fil o Zin lekman o Edom kinang fam welaruhu. Hili ino imbil laruk lit ik Il Warehon atog filen tulug

⁴ik wiriko fil laruk lit o Akrabim horogma tom fam laharuk abunggalem lahuk fug angge tom alem keyen nunggulig laruk lit o Zin keyen o Kades-Barnea ik ambut fil lalug o Hazar-Adar men Azmon men keyen

⁵o Mesir kinang hili-hilimu ik som wirihig ik saho ahik ayegma imbik lahup.

⁶Hit henengginang hili-hili hubula fil ik saho ahik welaruhu.

⁷Henengginang hiliyangge iliko fil imbil laruk lit ik saho ahik famen tulug tom Hor men

⁸o Hamat laruk abunggalem keyen tulug o Zedad fam imbil lahup.

⁹O Zedad famen tulug Zifron keyen o Hazar-Enan fam umbuhup.

¹⁰Henengginang hiliyangge yali fil imbil laruk lit o Hazar-Enan famen tulug o Sefam men

¹¹Ribla o Ain yali filen tulug Ik Galilea yenggelehon mo lahik waharuk fil punumu imbil lahup.

¹²Ik Galilea yenggelehon famen ik Yordan som wirig amuhupteg ik Il Warehon ayegma imbik lahup. Hili walinggoho imbil lahup ambeg arimano hit ngi roho welamuhup imihin,” ibag ane ino hikit toho Musa inowen Israel inap hiyag isibag.

¹³ Hiyag isibareg Musa inowen Israel inap unubam nin ele uruk lit, ”Kinang hili walinggoho imbil lahup ulug hiyag hisihiyon ari NINIKNI Allahn hiyag nisarisi ane hikit toho hit Israel hinap hununggul unuk sohowen men Manasye hinap pul ke minggiroho welahebon men wal tanehen seneg lamuhup. Seneg lamuhuben hit hununggul unuk wal-wal welahebon hunubam enehangge hik tuhup.

¹⁴Ununggul unuk Ruben inap onowesi wal taneg werehon men Gad inap onowesi werehon men Manasye inap pul ke minggiroho men o Yerikho fuma ik Yordan mo lahik waharuk fil kinang ngi atusa,” ulug hiyag isibag.

¹⁶Hiyag isibagma NINIKNI Allahn Musa fam ele uruk lit,

¹⁷”An namingmingangge imam Eleazar men hun Nun amloho Yosua menen o Kanaan kinang ino Israel inap fibir isahup.

¹⁸Fibir isarukmu it piren let enebuhubon ulug ununggul unuk wal taneg werehon onowesi misig-misig ununuk hiyag hitmin,” ibag.

¹⁹Hiyag itfahon arimano ununuk ulon tu: [Ununggul unuk] — [Onowe unuk] Yehuda — Yefune amloho Kaleb Simeon — Amihud amloho Samuel Benyamin — Kislon amloho Elidad Dan — Yogli amloho Buki Manasye — Efod amloho Haniel Efraim — Siftan amloho Kemuel Zebulon — Parnah amloho Elisafan Isakhar — Azan amloho Paltiel Asyer — Selomi amloho Ahihud Naftali — Amihud amloho Pedael

²⁹Ap ununuk Musa hiyag itfahon arimano NINIKNI Allahn hiyag isaruk lit Israel inap o Kanaan kinang ngi roho welamuhuben kinang ino fibir isahup ulug hiyag isibag.