Read Angguruk Yali NAHUM 2 Bible Online

NAHUM 2 - Angguruk Yali bible

NAHUM 2

¹O Niniwe hinap nori, hit hinibam halog toho siyahap tuhuwon ino horogma waharuken henebe mangno roho sehen seneg lit elehet hinibam walinggoho ohowon alukema in arik lalihipteg ap seliyon waharuk ke kahaleg lamok!

²O Niniwe inaben Israel inap enengginangma kuruk lit mun angge man angge iren tohon huhulangge hilarusa angge famen ketiya NINIKNI Allahn Yakuben endetfahonen ondohowon arimano nin hebeloho inineyap eneptukmu ununuk tam fano welatfag hag toho welamuhup.

³Ap seliyon arimano o Niniwe pin kul ulug sing mut fam palehon wan teg lit ininggikmu tog piyabangge polu fam palehon seneko waharuk. Enembohom kudan lisoho walug laruk angge kereta arimano indok ambulpul hag toho umbagpag turukmu fit kaya ruruk lit iraroho in arik waharuk.

⁴Kereta anggolo pinel lebeg til waharuk lit o pumbuk walinggoho la wam turuk.

⁵La wam turukmu yet isaruk lit o Niniwe inap onoweyen otsi milal eneptukon arimano wol eneptuken folo-folo elehet alukema lul ulug salog-malog angge roho wat til laruk. Larukmu ap seliyonen elehet halog turuk angge horogma imbik waharuk.

⁶Ik suwon latuk angge arimano husurukmu ik fu waharuken ap suwon ibam wereg inap enekolen unuwag elek-elek angge ruruk.

⁷Ap suwon uhe asum nonggoloho hik isalug inggik lisoho o winama walug larukmu amingmingangge inindi siyahen yalma ele ngninuk paltuk hag toho uruk lit enemig ke wat taruk.

⁸Ik larehon famen husoho larukon hag toho o Niniwe inap arimano obog toho linggik-longgo uruk. Onowesiyen enele hi roho, ”In amiyek, in amiyek!” ulug wol eneptuk angge famen ap misig oho in atug hebeloho waharuk eleg.

⁹Niniwe inap enenggengge perak men emas men huhulangge hilalihiben maniyek! O pumbuk aru mun angge man angge fanowonen keleg teg.

¹⁰Halog tibisiyek, huhulangge hiliyek, eleha fisiyek! Niniwe inap inindi amug-amug angge ruruk lit enelenggen kuk atukmu onorohole hik toho wereg.

¹¹Indam o Niniwe ino olomene umalik ondoho ambeg hag toho welatisi. Ap misihen oho elel eneptuk elegma

¹²olomene kuk wilip am turuk lit umalik fahet pak senggeloho kilabik waharukonen keleg atuk ambeg hag teg latisi angge famen ketiya o Niniwe ino kema wereg?

¹³NINIKNI Allah pohol ha kinang ha senehonen o pumbuk Niniwe fahet ele uruk lit, ”Anden hat men seliyap haptuk lahi. Hambohom kudan walug laruk angge kereta arimano indokma yaluhukmu ap seliyonen hat humalikisi tog elman unusuhup. Mun angge man angge haren huhulangge walug waharuk latikin angge Anden hinggikmuwen tel isahukmu hat hotsi o kema-kema mon eneptuk lahenonen enele hi roho uruk ane eleg aruhu,” uruk.